धनगढी– कार्टुनिष्टहरुले ‘निसाना’ प्रदर्शन गरेका छन्। कार्टुनिष्ट क्लब अफ नेपालको आयोजनामा शुक्रबारदेखि दुईदिने निसाना प्रदर्शनी सुरु भएको हो।
नेपालका चर्चित ३६ कार्टुनिष्टहरुले भ्रष्टाचारविरुद्धको सन्देश दिने ५० वटा कार्टुन प्रदर्शनीमा राखिएको छ। प्रदर्शनीको सुदूरपश्चिम प्रदेशका उपसभामुख निर्मला पडाल जोशीले उद्घाटन गरेकी हुन्।
उद्घाटनका अवसरमा बोल्दै उपसभामुख निर्मलाले भ्रष्टाचारमुक्त समाज निर्माणका लागि कार्टुनले सतर्कता बनाएकाे बताए। कार्टुनमा नेपाली समाजमा देखिएको समस्याहरुलाई ब्यंग्यात्मक रुपमा सतर्क रहन बनाएको उनले बताए।
उनले कार्टुनबाट प्रस्तुत विषयले दीर्घकालीन रुपमै प्रभाव पार्ने बताइन्। उनले भनिन- ‘मानिसले बोलेका विषयले क्षणिक रुपमा असर गर्छ। तर, कार्टुन, चलचित्र लगायतले दीर्घकालीन रुपमै सुधार ल्याउन मद्दत पुर्याउँ।’ उनले कार्टुन, चलचित्र, नाटक लगायतका कलाले समाजलाई सहि बाटोमा दोहोर्याउन मद्दत पुर्याउने गरेको बताइन्।
उनले भ्रष्टाचार सभ्य समाज र विकासको बाधक रहेको बताए। कार्टुनहरुले नेपालको वर्तमान अवस्थालाई कार्टुनमार्फत व्यंग्य गरिएको छ। काटुर्नहमा कर्मचारी र मन्त्रीले छोटो समयमा अस्वाभाविक रुपमा सम्पत्ति जोडेको, बिनास्रोत र बिनाश्रम रातारात धनी बन्ने प्रवृत्तिलाई तीखो रुपमा प्रहार गरिएको छ।
कार्टुनिस्ट क्लब अफ नेपालका अध्यक्ष एवं नेपालका चर्चित काटुनिष्ट वासु क्षितिजले मुलुक संघीयतामा गएपछि विकाससँगै भ्रष्टाचार पनि तल्लो तहसम्म पुगेको बताउँदै जनप्रतनिधि र नागरिकहरुलाई सर्तक बनाउन धनगढीमा निसाना शुरु गरिएको बताए।
विकृति–विसंगतीविरुद्ध रङ, रेखा र शब्दमार्फत उनीहरूले भ्रष्टाचारविरूद्ध लाग्न समुदायलाई नै आह्वान गरेका छन्। प्रदर्शनी शनिबारसम्म चल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
