पन्ध्र वर्षीया बालिकामाथि सामूहिक बलात्कारको आरोपमा ३ जना पक्राउ

समाचार

नेपाल लाइभ शुक्रबार, भदौ २४, २०७९ १८:२४

प्रतिकात्मक तस्बिर

धनगढी– कैलालीको घोडाघोडी नगरपालिकामा एक बालिका सामूहिक बलात्कारमा परेको भन्दै प्रहरीमा जाहेरी परेको छ।

नगरपालिकाको वडा नं. १ को सुखड हेलिप्याडमा देउडा हेर्न गएकी १५ वर्षीया बालिका बलात्कृत भएको जाहेरी दिइएको हो।

भदौ २१ गते राति ती बालिकालाई ४ जनाले सामूहिक रुपमा बलात्कार गरेको भन्दै ती बालिकाले इलाका प्रहरी कार्यालय सुखडमा जाहेरी दर्ता गराएकी छिन्। काम छ भन्दै एकान्तमा बोलाई जबरजस्तीकरणी गरेको जाहेरी पत्रमा उल्लेख छ।

आरोपितमध्ये तीन जनालाई पक्राउ गरिसकेको र एक जनाको खोजी भइरहेको इलाका प्रहरी कार्यालय सुखडका प्रहरी नायब उपरीक्षक लक्ष्मण शाहीले बताए। पक्राउ परेकाहरुमाथि जिल्ला अदालतबाट म्याद थप गरी घटनाबारे अनुसन्धान भइरहेको प्रहरी नायब उपरीक्षक लक्ष्मण शाहीले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कम्युनिष्ट पार्टी नयाँ धरातलबाट हिँड्नुपर्छ : झलनाथ खनाल

कांग्रेस महामन्त्री शर्मा सगरमाथा आरोहण गर्दै

उमागौरी सहकारीको मुद्दामा सक्कल मिसिल झिकाउने आदेश