काठमाडौं– पर्यटन व्यवसायीहरुको छाता संठन ट्रेकिङ एजेन्सिज एसोसिएशन अफ नेपाल (टान) को सम्पन्न ४४ औँ साधारणसभा तथा अधिवेशनबाट निर्वाचित पदाधिकारीहरुले शनिबार पदभार ग्रहण गरेका छन्। शनिबारै उनीहरुले सपथ ग्रहणसमेत गरेका छन्।
काठमाडौंमा आयोजित एक समारोहका बीच नवनियुक्त कार्य समितिलाई बधाई तथा शुभकामनासमेत प्रदान गरिएको टानका नवनियुक्त महासचिव विनोद सापकोटाले जानकारी दिए। सापकोटा चलचित्र निर्माता समेत हुन्। उनले आफ्नो नयाँ टिमले विगतको समितिले गर्न नसकेका, काम सुरु गरेका तर सम्पन्न नभएका विषयसँगै पर्वतीय पर्यटन व्यावसायीका अन्य विभिन्न समस्या समाधानमा जुटिसकेको र सरकारबाट ध्यानाकर्षण गराउनुपर्ने अनेक विषयमासमेत काम गर्ने प्रतिबद्धता गरेको बताए।
केही दिन अघि टानको ४४ औँ साधारणसभा तथा अधिवेशन भएको थियो। अध्यक्षमा निलहरि बास्तोला विजयी भएका थिए। उनले आफ्ना प्रतिस्पर्धी रामप्रसाद सापकोटालाई भारी मतले हराउँदै विजयी हासिल गरेका थिए।
यस्तै टानको वरिष्ठ उपाध्यक्षमा कृष्णप्रसाद दाहाल, प्रथम उपाध्यक्षमा प्रदीप पण्डित, द्वितीय उपाध्यक्षमा धनबहादुर गुरुङ, कोषाध्यक्षमा पुरूषोत्तम तिमल्सिना, सहकोषाध्यक्षमा छिरिङ दोर्जे शेर्पा र सचिवमा होमनाथ खड्का निर्वाचित भएका थिए। यस्तै सदस्यहरुमा रामप्रसाद बन्जरा, राजु अर्याल, गणेशबहादुर अधिकारी, कुमार लामा, सुवास भण्डारी, लाक्पा दोर्जे सेर्पा र कृष्णबहादुर परियार निर्वाचित भएका थिए।
कार्यक्रममा बोल्दै नव नियुक्त अध्यक्ष बास्तोलाले पर्यटन व्यावसायीहरुको हकहित र व्यवसाय प्रवर्द्धनमा जस्तोसुकै चुनौती सामना गरेर भएपनि काम गर्ने बताए। टानको कार्य समितिको कार्यावधी २ वर्षको हुनेछ। टानमा १२ सयभन्दा धेरै सक्रिय व्यावसायी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771566457.png)
