काठमाडौं– अगस्ट २४ अर्थात् आजकै दिन बिहारको राजनीति विशेष गरी दुई कारणले खास बन्यो। दुई साताअघि बनेको नितिशकुमार–आरजेडी गठबन्धनको सरकारलाई यही मितिमा दिन विधानसभामा आफ्नो बहुमत प्रमाणित गर्नु थियो।
तर त्यसअघि नै सीबीआईले आरजेडीका नेताकहाँ छापा हानेको थियो। ‘ल्याण्ड फर जब’ घोटालामा लालू यादवका नजिकका सहयोगी र आरजेडीका एमएलसी सुनील सिंह, पूर्व एमएलसी सुवोध राय र आरजेडीका दुई राज्यसभा सांसद अशफाक करिम र फैयाज अहमदको घरमा सीबीआईले छापा हानेको थियो।
के हो ‘ल्याण्ड फर जब’ स्क्याम?
सीबीआईले २४ अगस्टमा आरजेडी नेताकहाँ ल्याण्ड फर जब स्क्यामलाई लिएर छापा मारेको थियो। यस घोटालामा आरजेडीका नेता लालू यादव जोडिएका थिए। उक्त स्क्याममा यादव र उनका परिवारका सदस्यमाथि रेलवेमा जागिर दिलाएको बदलामा जमिन लिने गरेको आरोप लागेको थियो। यस घटनामा सीबीआईले यसैवर्ष मे मा लालू र उनका परिवारका सदस्यविरुद्ध भ्रष्टाचार मुद्दा दायर गरेको थियो।
लालू यादवसहित उनकी पत्नी र पूर्व मुख्यमन्त्री रावडी देवि, उनकी छोरीहरु मीसा यादव र हेमा यादवका साथै जागिर पाउने बदलामा कम मूल्यमा जमिन दिने केही अयोग्य उम्मेदवारसमेत १६ जनाविरुद्ध सीबीआईले मुद्दा दायर गरेको थियो।
१२ जनाबाट जागिरको बदलामा सात प्लट
यादवविरुद्ध दायर भएको मुद्दामा सीबीआईले यूपीए सरकारका बेला २००४ देखि २००९ सम्म रेलवे मन्त्री रहेका बेला यादवले रेलवेमा जागिर दिलाउने नाममा उम्मेदवारबाट घुस लिएको आरोप लगाएको छ।
जहाँ घुसवापत यादवले जमिन लिएको आरोप छ। त्यसबेला लालूमाथि रेलवेका कैयौं क्षेत्रमा १२ जनालाई भर्ती गरेको र त्यसको बदलामा आफ्ना परिवारका सदस्यका नाममा सात प्लट जमिन ट्रान्सफर गरी आर्थिक फाइदा लिएको सीबीआईले आरोप लगाएको छ।
जमिनको उक्त सातवटा प्लट रेलवेमा जागिर पाएका १२ जनाको भएको पाइएको छ।
बिना विज्ञापन जागिर
सीबीआईले जाँचका क्रममा लालू यादवले रेलमन्त्री हुँदा बिना कुनै विज्ञापन कैयौं मानिसलाई रेलवेमा ग्रुप–डीको जागिर दिएको पाइएको उल्लेख गरेको छ। यसरी भारतको मुम्बई, जबलपुर, कोलकाता, जयपुर र हाजीपुरमा उनीहरुलाई नियुक्ति दिइएको थियो।
एक लाख स्क्वायर फिटभन्दा धेरै जमिन हत्याए
सीबीआईका अनुसार यस्तै तरिकाले लालू यादवका परिवारले बिहारमा एक लाख स्क्वायरभन्दा बढी जमिन मात्र २६ लाख भारतीय रुपैयाँमा हत्याएका थिए।
जबकी त्यसबेलाको सर्कल रेट अनुसार उक्त जमिनको मूल्य करिब ४.३९ करोड भारतीय रुपैयाँ थियो। अझ विशेष कुरा त के भने यसरी जमिन ट्रान्स्फर गर्ने ज्यादातर केशमा जमिन मालिकलाई क्यास भुक्तान गरिएको पाइएको छ।
निवेदन दिएको तीन दिनमै जागिर
इडीको जाँचका क्रममा उम्मेदवारका केही आवेदनमा अनावश्यक हतार गरिएको छ। र आवेदन परेको तीन दिनभित्र नै उनीहरुको नियुक्तिका लागि अनुमति दिएको पाइएको छ। साथै रेलवेका कैयौं अन्य क्षेत्र जस्तै वेस्ट सेन्ट्रल रेलवे, जबलपुर र वेस्टर्न रेलवे, मुम्बईमा पनि यस्ता निवेदकलाई बिना पूरा जानकारी नियुक्ति दिइको थियो।
सातवटा सम्झौतामा यसरी भएको थियो ‘ल्याण्ड फर जब’ पूरा खेल
सम्झौता १ :
सीबीआईले आफ्नो प्रारम्भिक अनुसन्धानमा फेब्रुअरी ६, २००८ मा पटनाका किशुनदेव राईले आफ्नो जग्गा राबडी देवीलाई धेरै सस्तो मूल्यमा हस्तान्तरण गरेको पत्ता लगायो। अर्थात् ३ हजार ३ सय ७५ वर्गफुट जग्गा राबडी देवीलाई मात्र ३ लाख ७५ हजारमा बिक्री गरिएको थियो । सोही वर्ष परिवारका ३ सदस्य राजकुमार सिंह, मिथिलेश कुमार र अजय कुमारले सेन्ट्रल रेलवे मुम्बईमा ग्रुप डीको पदमा जागिर पाए।
सम्झौता २:
फेब्रुअरी २००८ मा, पटनाको महुआबागका सञ्जय राईले पनि राबडी देविलाई ३,३७५ स्क्वायर फिट जमिन ३.७५ लाखमा बेचेका थिए। सीबीआईले आफ्नो अनुसन्धानमा सञ्जय राईबाहेक परिवारका अन्य २ जनाले रेलवेमा जागिर पाएको पत्ता लगाएको थियो।
सम्झौता ३:
पटना निवासी किरण देवीले आफ्नो ८०,९०५ वर्गफुट जमिन लालु यादवकी छोरी मीसा भारतीलाई नोभेम्बर २००७ मा ३.७० लाखमा बेचिन्। यसपछि सन् २००८ मा किरण देवीका छोरा अभिषेक कुमारले सेन्ट्रल रेलवे मुम्बईमा जागिर पाए।
सम्झौता ४:
फेब्रुअरी २००७ मा पटनाका हजारी राईले आफ्नो ९,२७ वर्ग फुट जग्गा दिल्लीको एके इन्फोसिस्टम प्रालिलाई १० लाख ८३ हजार भारतीय रुपैयाँमा बेचेका थिए। पछि हजारी राईका दुई भतिजा दिलचन्द कुमार र प्रेम चन्द कुमारले पश्चिम-मध्य रेलवे जबलपुर र दक्षिण-पूर्वी रेलवे कोलकातामा जागिर पाए।
सीबीआईले सन् २०१४ मा लालुप्रसाद यादवकी छोरी र श्रीमतीलाई एके इन्फोसिस्टमको सबै अधिकार र सम्पत्ति दिइएको पत्ता लगायो। राबडी देवीले २०१४ मा कम्पनीको अधिकांश सेयर किनेर पछि कम्पनीको सञ्चालक बनेकी थिइन्।
सम्झौता ५:
पटना निवासी लालबाबु राईले आफ्नो १३६० स्क्वायर फिट जमिन २०१५ मे मा मात्र १३ लाखमा राबडी देवीलाई हस्तान्तरण गरेका थिए। सीबीआईले अनुसन्धान गर्दा लालबाबु राईका छोरा लालचन्द कुमारले सन् २००६ मा उत्तर-पश्चिम रेलवे जयपुरमा जागिर पाएको पत्ता लाग्यो।
सम्झौता ६:
बृजनन्दन राईले मार्च २००८ मा आफ्नो ३,३७५ वर्गफुट जग्गा गोपालगञ्जका हृदयानन्द चौधरीलाई ४.२१ लाखमा बेचेका थिए। हृदयानन्द चौधरीले सन् २००५ मा पूर्व–मध्य रेलवे हाजीपुरमा जागिर पाएका थिए। सन् २०१४ मा हृदयानन्द चौधरीले उक्त जग्गा लालुप्रसाद यादवकी छोरी हेमालाई गिफ्ट डीडमार्फत हस्तान्तरण गरेका थिए।
सीबीआईले अनुसन्धान गर्दा हृदयानन्द चौधरी र लालुप्रसाद यादव टाढाका नातेदार पनि नभएको पत्ता लाग्यो। साथै, जुन जग्गा उपहारमा दिइएको थियो, त्यसबेला सर्कल रेटअनुसार यसको मूल्य ६२ लाख रुपैयाँ थियो।
सम्झौता ७:
सन् २००८ को मार्चमा विष्णुदेव राईले सिवानका लालन चौधरीलाई आफ्नो ३ हजार ३ सय ७५ वर्ग फिट जमिन दिएका थिए। लालनका नाति पिन्टु कुमारले सन् २००८ मा वेस्टर्न रेलवे मुम्बईमा जागिर पाएका थिए। त्यसपछि लालन चौधरीले २०१४ फेब्रुअरीमा यो जग्गा हेमा यादवलाई दिएका थिए। दैनिक भास्करबाट अनुवाद
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_dAAVqRhDaH-1773571207.jpg)
-1764146706.png)
