समाचार

उपत्यका बाहिरकै ठूलो भगवती रथयात्रा निकालियाे (तस्बिरहरु)

मनिष अर्याल शनिबार, भदौ ४, २०७९ २१:४०

पाल्पा– काठमाडौं उपत्यकाभन्दा बाहिरको सबैभन्दा धेरै भक्तजन सहभागी हुने पाल्पाको ऐतिहासिक भगवतीको रथयात्रा शनिबार निकालिएको छ । विराटनगरमा कृष्णको रथयात्रा भन्दा पाल्पाको भगवतीको रथ यात्रामा सहभागीको संख्या बढी हुने आकलन छ ।

पाल्पाको भगवतीको रथयात्रा एकै दिनमा पर्छ । यो बाहेक अन्यत्र यस्तो ठूलो भीडभाड हुने रथयात्रा निकालिँदैन । पाल्पाको भगवतीको रथयात्राको राष्ट्रिय स्वाधीनतासँंग जोडिएको छ । धार्मिक साथै ऐतिहासिक जात्रा भएकाले यहाँ श्रद्धालुको भीड बढी लाग्छ ।

bhagwati rath (6)1661010863.jpg

नेपाल एकीकरणको समयमा युद्धमा विजयी भए मन्दिर बनाएर सिन्दूरजात्रा गर्ने भाकल कर्णेल उजीरसिंह थापाले गरेका थिए । सोही भाकल अनुसार जीतगढीको युद्धमा विजयी भएको र जात्रा निकाल्ने प्रचलन सुरु भएको थियो ।

पाँच वटा नाकाबाट नेपालमाथि भएको आक्रमणमा चार स्थानमा नेपालले हार व्यहोर्नुु परेपनि जितगढीको लडाईंमा अंग्रेज फौजलाई नेपाली फौजले हराएको संस्कृतिविद् निर्मल श्रेष्ठ बताउँछन् ।

bhagwati rath (2)1661010926.jpg

भगवती जात्रा वि.सं. १८७७ देखि मनाउन सुरु गरिएको हो । जात्रामार्फत् वीरताको सन्देश दिन हरेक वर्ष कृष्ण अष्टमीको भोलिपल्ट रथयात्रा निकाल्ने प्रचलन चलाएका हुन् ।

bhagwati rath (4)1661012984.jpg