धादिङ– विप्लव नेतृत्वको नेपाल कम्युनिस्ट पार्टी निकट विद्यार्थी संगठन अखिल (क्रान्तिकारी) ले धादिङ जिल्लाको बेनिघाट–रोराङ्ग गाउँपालिकाको वडा नं. १ र २ को सिमानाको अति विकट क्षेत्रस्थित तामाङ बस्ती रहेको च्यात्रा गाउँमा चार कोठाको आधारभूत विद्यालय निर्माण सम्पन्न गरेको छ।
संगठनले शुक्रवार एक उकार्यक्रम आयोजना गरी विद्यालयको औपचारिक उद्घाटन गर्यो। उक्त कार्यक्रम नेकपाका केन्द्रीय सदस्य सन्देश पौडेलको प्रमुख आतिथ्यता र अखिल (क्रान्तिकारी) अध्यक्ष प्रकाश शाहीको अध्यक्षतामा सम्पन्न भएको थियाे। संगठनले श्री प्रज्वल स्मृति नमूना आधारभूत विद्यालय निर्माण गरेको हाे।
1660995690.jpg)
यसभन्दा पहिले विद्यालय नै नभएका यस क्षेत्रमा बालबालिकाहरू शिक्षावाट वन्चित थिए। नजिकको विद्यालय पुग्नै तीन घण्टा लाग्थ्यो । टाढाको बाटो, त्यसमा पनि भीरको जोखिमपूर्ण बाटोका कारण बालबालिका आधारभूत तहकै शिक्षाबाट वञ्चित भएपछि अखिल (क्रान्तिकारी)ले नेतृ्त्वमा प्रतिवन्धको समयमा अभियानको क्रममा त्यस क्षेत्रमा पार्टीका नेता कार्यकर्ता र स्थानीयको सहभागितामा पहलमा विद्यालय निर्माण भएको थियो ।
1660995720.jpg)
महासचिव विप्लवको निर्देशनमा क्रान्तिले पहलकदमी लिएको थियो। कार्यक्रममा नेकपाका महासचिव विप्लवले पठाएका शुभकामना सन्देश पढेर सुनाइएको थियो ।
त्यस गाँउमा करिब २५ घर धुरी रहेका छन्। गाउँमा करिब ५० को संख्यामा बालबालिका रहेको र विद्यालय बनेसँगै यहाँका सबै बालबालिकाहरु ढुक्कसँग विद्यालय जान सकिने वातावरण बनेको अखिल (क्रान्तिकारी)का अध्यक्ष प्रकाश शाहीले बताए।
1660995745.jpg)
अखिल (क्रान्तिकारी)ले आफ्नाे लगानी, श्रमदान र स्थानीयसँगको सहकार्यमा ४ कोठे विद्यालय भवनको निर्माण सम्पन्न गरेको हाे।
उद्घाटनपछि हिजैबाट विद्यालयमा पढाई सुरु भएको छ। विद्यालयलाई आवश्यक फर्निचर, खेलकुद सामग्री र शैक्षिक सामग्री समेत क्रान्तिकारीले उपलब्ध गराएको छ । अहिले विद्यालयमा ३० जना विद्यार्थी भर्ना भएको विद्यालयकी शिक्षिका अस्मिता घलानले वताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
