काठमाडौं– शनिबार रातिदेखि जारी वर्षाका कारण देशका धेरै ठाउँमा पहिरो जाँदा जनजीवन अस्तव्यस्त बनेको छ।
म्याग्दी, रुकुम, चितवन लगायत ठाउँमा पहिरोले जनजीवन अस्तव्यस्त बनाएको प्रहरी प्रधान कार्यालयले जानकारी दिएको छ। चितवनको भरतपुर महानगरपालिका–२९ केराबारीमा पहिरो खस्दा नारायणगढ–मुग्लिन सडक अवरुद्ध भएको छ।
1659426388.jpg)
सोमबार राति नै पहिरो जाँदा सडक अवरुद्ध भएको थियो। रातिदेखि नै पहिरो पन्छाउन थालिए पनि मंगलबार बिहानसम्म पनि प्रयास सफल हुन नसकेको जिल्ला ट्राफिक प्रहरी कार्यालय चितवनले जानकारी दिएको छ।
केराबारीसहित नारायणगढ–मुग्लिन सडक खण्ड ३ ठाउँमा अवरुद्ध भएको छ। चितवनको २० किलो र २९ किलो भन्ने स्थानमा पनि पहिरोका कारण सडक अवरुद्ध भएको जिल्ला प्रशासन कार्यालय चितवनले जानकारी दिएको छ।
1659426388.jpg)
अहिले नारायणगढ तर्फबाट जुगेडीमा सवारी साधन रोकिएको र पहिरोका कारण फसेकालाई सरकारी गाडीबाट चितवनसम्म ल्याउने कार्य भइरहेको चितवनका प्रमुख जिल्ला अधिकारी अस्मान तामाङले जानकारी दिए।
1659426387.jpg)
यस्तै, चितवनको कुरिनटारमा पनि पहिरो जाँदा पृथ्वी राजमार्ग अवरुद्ध भएको छ। प्रहरीका अनुसार बिहान ८.५० बजे चितवनको इच्छाकामना–३ स्थित कुरिनघाट नजिकै माथिबाट पहिरो झरेर सडक दुइतर्फी अवरुद्ध भएको हो।
1659426387.jpg)
मुग्लिनस्थित इलाका प्रहरी कार्यालयबाट उक्त स्थानमा खटिएको प्रहरीले सडक विभागसँग समन्वय गरी लोडरको सहायताले सडक खुलाउन पहल गरिरहेको चितवन जिल्ला प्रहरी कार्यालयका प्रवक्ता तथा प्रहरी नायब उपरीक्षक नरहरि अधिकारीले जानकारी दिए।
तस्बिरहरु: गोपाल चन्दको फेसबूकबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
