निरन्तरको वर्षाले पोखरा महानगरपालिकामा सय घर डुबानमा

समाचार

नेपाल लाइभ सोमबार, साउन १६, २०७९ १०:२२

काठमाडौं– पोखरा महानगरपालिकाको वडा नम्बर १३ को कमलपोखरी क्षेत्र डुबानमा परेको छ।

पोखरा महानगरपालिकाका वडा नम्बर १३ का वडाध्यक्ष किरण बरालकाअनुसार आइतबार साँझबाट निरन्तर परिरहेको वर्षाका कारण कमलपोखरी क्षेत्र डुबानमा परेको हो।

‘हिजो राति १० बजेदेखि झरी परिरहेको छ,’ उनले भने, ‘निरन्तर वर्षा भइरहेकाले डुबानमा परेको हो।’

बरालकाअनुसार डुबानमा करिब सय घर परेका छन्। रातभर झरि परेकाले सो क्षेत्रमा पानीको मात्रा बढेर डुबान भएको उनले बताए। उनले भने, ‘करिब सय घर डुबानमा परेका छन्। मानविय क्षति भएको छैन्।’

हाल पानी रोकिएकाले डोजर ल्याएर पानी निकास गर्न लागिएको उनले बताए। उनले भने, ‘वडा नम्बर ११ को काउ भन्ने ठाउँको पानी नियन्त्रण नहुँदा यता आएर डुबान भएको हो। अहिले हामी डोजरले पानी निकास निकाल्दै छौं।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कोशीका नवनियुक्त मन्त्री भण्डारीले लिए शपथ

दोलखाको गौरीशंकरमा माओवादीलाई उछिन्दै एमालेले लियो अग्रता

फुटबल मैदानमा भागदौड मच्चिँदा गिनीमा ५६ जनाको मृत्यु