सुरक्षा/अपराध

लोकदोहोरी गायिका सुनार हत्या प्रकरण : कर्तव्य ज्यानको कसुरमा मुद्दा चलाउनुपर्ने रायसहित फाइल पेस

नेपाल लाइभ मंगलबार, साउन ३, २०७९ १२:३५

काठमाडौं– लोकदोहोरी गायिका दिलमाया सुनारको हत्या भएको निष्कर्ष निकालेको प्रहरीले अनुसन्धान टुंग्याएर फाइल पेस गरेको छ। २५ दिन लामो अनुसन्धान सकेर सोमबार जिल्ला सरकारी वकिल कार्यालयमा प्रहरी वृत्त बालाजुले फाइल बुझाएको हो।

प्रारम्भिक अनुसन्धानमा आत्महत्या भएको हुनसक्ने बताइए पनि विस्तृत अनुसन्धान गर्दा हत्या भएको खुलेपछि कर्तव्य ज्यानको कसुरमा मुद्दा चलाउनुपर्ने रायसहित फाइल बुझाइएको हो।

सरकारी वकिल कार्यालयले फाइल अध्ययन गरेपछि जिल्ला अदालतमा मुद्दा दर्ता गर्नेछ। असार ११ गते शनिबार बिहान करिब ११ बजेतिर नेपालटारस्थित आफ्नै कोठामा गायिका सुनार मृत भेटिएकी थिइन्।

त्यसको भोलिपल्ट असार १२ गते गायिका सुनारकै प्रेमी भनिएका सिन्धुपाल्चोकका सूर्य भनिने खिलबहादुर श्रेष्ठ पक्राउ परेका थिए।

पक्राउ परेका श्रेष्ठले गायिका सुनारको हत्या गरेको अनुसन्धानबाट खुलेपछि कर्तव्य ज्यानको कसुरमा मुद्दा चलाउनुपर्ने रायसहित फाइल प्रहरीले सरकारी वकिल कार्यालयमा पेस गरेको हो।

यो पनि पढ्नुहोस

गायिका सुनार मृत्यु प्रकरणमा ट्वीस्ट : हत्या भएको प्रहरी निष्कर्ष, अनुसन्धान फाइल बुझाउँदै

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’