रुकुम पश्चिम- कार्यरत रेडियोबाट तलब नपाएपछि चरणबद्ध आन्दोलन गर्दै आएका रुकुम पश्चिमका पत्रकारहरुले बुधबारदेखि आन्दोलनका कार्यक्रम फिर्ता लिएका छन्।
रुकुम पश्चिमको आठबिसकोटमा रहेको रेडियो 'नयाँ नेपाल एफएम' मा कार्यरत ६ जना पत्रकार र तथा कर्मचारीहरुले लामो समयसम्म काम गरेको पारिश्रमिक नपाएपछि रेडियो सञ्चालन समितिविरुद्ध श्रमजीवी-पत्रकार संघ, नेपालकाे अगुवाइमा आन्दोलनका कार्यक्रम हुँदै आएका थिए।
बुधबार जिल्ला प्रशासन कार्यालय र पत्रकार महासंघका रुकुम अध्यक्ष लक्ष्मण केसीकाे समन्वयमा रेडियो सञ्चालक समितिले तलब उपलब्ध गराएपछि आन्दोलन फिर्ता गरिएको श्रमजीवी- पत्रकार संघ, नेपाल संघर्ष समितिका संयाेजक पत्रकार सत्य बटालाले जानकारी दिए। उनले रेडियोमा कार्यरत ६ जना पत्रकारहरु र रेडियो सञ्चालक समितिका अध्यक्ष मानबहादुर चनाराबीच छलफल भएर तलब उपलब्ध गराईएपछि आन्दोलन फिर्ता गरिएकाे बताए।
पत्रकारहरु हिरा परियार, सत्य बहादुर बटाला, प्रकाश गौतम, सुनील बिक, सीता शाही र कल्पना बिकले २०७५ साउन महिनादेखि २०७८ असारसम्मको तलब नपाएपछि तलब उपलब्ध गराईदिन श्रमजीवी-पत्रकार संघ, नेपालकाे केन्द्रीय कार्यालयमा निवेदन दिएका थिए।
जिल्ला प्रशासन कार्यालय, पत्रकार महासंघ, रेडियो सञ्चालन समिति र पीडित पत्रकारहरु बीच भएको छलफलपश्चात् पत्रकारहरुलाई पारिश्रमिक उपलब्ध गराईएको र पत्रकारहरुको तर्फबाट भईरहेका विरोधका कार्यक्रम फिर्ता लिएको संघका अध्यक्ष जन्मदेव जैसीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775726195.png)
-1764146706.png)
