आफ्नै श्रीमतीको नाममा नक्कली फेसबूक अकाउन्ट बनाएर अश्लील तस्बिर सेयर गर्ने व्यक्ति पक्राउ

सुरक्षा/अपराध

नेपाल लाइभ मंगलबार, असार २८, २०७९ १७:३९

काठमाडौं– वैदेशिक रोजगारीमा रहेकी आफ्नी श्रीमतीको तस्बिर दुरुपयोग गरी अश्लील क्याप्सनसहित सामाजिक सञ्जालमा सेयर गर्ने व्यक्तिलाई प्रहरीले पक्राउ गरेको छ।

पक्राउ पर्नेमा रुपन्देहीको सैनामैना नगरपालिका–४ मुर्गिया बस्ने ३६ वर्षीय पुरुष छन्। उनलाई प्रहरीको साइबर ब्यूरोले पक्राउ गरेको हो।

प्रहरीका अनुसार उनले वैदेशिक रोजगारीका लागि ओमानमा रहेकी आफ्नी श्रीमतीको नाममा नक्कली फेसबूक आईडी बनाएका थिए। नक्कली आईडीमा अश्लील क्याप्सन राख्दै श्रीमतीको तस्बिर दुरुपयोग गरी सेयर गर्ने गरेका थिए।

उनीमाथि विद्युतीय कारोबार ऐन २०६३ अन्तर्गतको कसुर गरेको आरोपमा जिल्ला अदालत काठमाडौंबाट म्याद लिइ अनुसन्धान अगाडि बढाइएको साइबर ब्यूरोले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मधेश प्रदेश सभाको कार्यसूचीमा समेटियो भाषा विधेयक फिर्ताको प्रस्ताव

टरिगाउँ विमानस्थलको स्तरवृद्धिका लागि पहल गर्छु : प्रचण्ड

आइसिसी यू–१९ महिला विश्व कप: नेपाललाई मलेसियाको सामान्य लक्ष्य,पुजा बनिन् सर्वाधिक विकेट लिने बलर