धनगढी–उपप्रमुखसहित एमालेबाट निर्वाचित जनप्रतिनिधिको असहमतिबीच धनगढी उपमहानगरपालिकाको आगामी आर्थिक वर्ष २०७९/८० को बजेट पारित भएको छ।
सोमबार बसेको आठौं नगर सभाको तेस्रो बैठकमा उपप्रमुख कन्दकला रानासहित एमालेबाट निर्वाचित जनप्रतिनिधिहरुले असहमति जनाउँदा पनि नगर प्रमुख गोपाल हमालले आगामी आर्थिक वर्षको बजेट बहुमतले पास भएको घोषणा गरेका हुन्।
उपप्रमुख रानाले आफू योजना तर्जुमा संयोजक भए पनि जानकारी नभएको भन्दै बजेटमाथिको छलफल लम्ब्याउनुपर्ने अडान राखेकी थिइन्। तर नगर प्रमुख हमालले बजेट पास भएको घोषणा गरेपछि उनले यो निर्णयमा आफनो कुनै सहमति नभएको प्रतिक्रिया दिइन्।
उपप्रमुख रानाले उपमहानगरपालिकाको वार्षिक कार्यक्रम पुस्तिका विधि र प्रक्रियाविपरीत आएको भनेपछि दुईबीच चर्काचर्की भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
