सुरक्षा/अपराध

विनोद शाही 'मृत्यु' घटना : किटानी जाहेरी परेकी मेयर प्रहरी कार्यालय उपस्थित

नेपाल लाइभ आइतबार, असार १९, २०७९ १५:०३

काठमाडौं– अछामको पञ्चदेवल विनायक–४ का १५ वर्षीय विनोद शाहीको हत्या प्रकरणमा संलग्न रहेको आरोप लागेकी मेयर अम्बिका चलाउने प्रहरी कार्यालय उपस्थित भएकी छन्।

आइतबार चलाउनेसहित अर्का एक आरोपी जिल्ला प्रहरी कार्यालय अछाममा उपस्थित भएका हुन्।

अछाम प्रहरी प्रमुख डीएसपी नारायण डाँगीले मेयर चलाउनेसहित एक जना प्रहरीमा उपस्थित भएको जानकारी दिए। अहिले उनीहरुसँग सोधपुछ र अनुसन्धानको काम भइरहेको डीएसपी डाँगीले जानकारी दिए।

पीडित पक्षले केही दिन पहिला मेयर चलाउनेविरुद्ध जिल्ला प्रहरी कार्यालय अछाममा किटानी जाहेरी दिएका थिए। त्यसपछि प्रहरीले मेयरसहितका आरोपीलाई खोजीरहेको थियो। यसबीचमा चार जना आरोपी पक्राउ परिसकेका छन्।

मेयर चलाउने भने आइतबार आफैं प्रहरी कार्यालयमा उपस्थित भएकी हुन्। डीएसपी डाँगीले अनुसन्धान जारी रहेकाे जानकारी दिएका छन्।

जेठ १७ गतेदेखि वेपत्ता शाहीको शव गाउँकै भिरमा जेठ २१ गते भेटिएको थियो। शाहीको हत्या भएको भन्दै आफन्तले सत्यतथ्य अनुसन्धान गरी दोषीमाथि कारबाहीको माग गरेका छन्। शाहीको शव घटनाको पाँच दिनपछि उठाइएको थियो।

यो पनि पढ्नुहोस्

अछामका विनोद शाही मृत्यु प्रकरण: सीआईबीको टोलीद्वारा ४ जना पक्राउ

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुक्खा हिउँदले आफूहरूलाई मार परेको बिजुली उत्पादकहरूको गुनासो

जनस्वास्थ्य सुरक्षाका लागि कुष्ठरोगी र हात्तीपाइले प्रभावितलाई स्वास्थ्य बीमा

जङ्गली रातो बाँदर 'कृषि हानिकारक वन्यजन्तु' घोषणा, के के छन् सर्तहरु?