काठमाडौं– जल तथा मौसम विज्ञान विभागका अनुसार हाल देशभर मनसुनी वायुको प्रभाव रहेको छ। जसको असरस्वरुप देशका विभिन्न ठाउँमा वर्षा भइरहेको छ। धेरै ठाउँमा शुक्रबार रातिदेखि नै वर्षा जारी रहेको विभागले जनाएको छ।
काठमाडौं उपत्यकामा विहानैदेखि वर्षा भइरहेको छ। विभागका अनुसार बागमती प्रदेश, लुम्बिनी प्रदेश र गण्डकी प्रदेशका केही स्थानहरुमा हल्का वर्षा भइरहेको छ।
विभाका अनुसार देशका पहाडी क्षेत्रमा हल्कादेखि मध्यम वर्षा भइरहेको छ। केही ठाउँमा भन्ने भारी वर्षा भइरहेको छ। झापाको शनिश्चरे, भोजपुर, इलाम लगायत क्षेत्रमा भारी वर्षा भइरहेको छ।
यस्तै, सिन्धुपाल्चोकको मलेम्ची नदीको जलाधार क्षेत्रमा पनि भारी वर्षा भइरहेको छ।
विभागअन्तर्गतको मौसम पूर्वानुमान महाशाखाले शनिबार दिउँसोसँगै राति पनि देशका धेरै ठाउँमा वर्षा जारी रहने जनाएको छ। शनिबार राति पनि प्रदेश १, बागमती प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशका केही स्थानहरुमा हल्कादेखि मध्यम र अन्य भू-भागका थोरै स्थानहरूमा हल्कादेखि मध्यम वर्षाको सम्भावना रहेको महाशाखाले जनाएको छ।
शनिबार विहानदेखि नै वर्षा भइरहेको र राति पनि वर्षा हुने भन्दै महाशाखाले नदी तटीय क्षेत्रका बासिन्दालाई बाढीको जोखिमबाट सतर्क रहन आग्रह गरेको छ। यस्तै, वर्षा भइरहेका पहाडी क्षेत्रमा पनि बाढीसँगै पहिरोको उच्च जोखिम रहेको महाशाखाले जनाएको छ। तराईका क्षेत्रमा भने डुवानको जोखिम रहेको महाशाखाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
