नेप्सेमा पहिरो, दुई कम्पनीको सेयरमा सकारात्मक सर्किट

अर्थ समाचार

नेपाल लाइभ शुक्रबार, असार १७, २०७९ १६:०२

काठमाडौं– धितोपत्र बजारमा सेयर कारोबार मापक नेप्से परिसूचकको वृद्धि एक दिन पनि टिक्न सकेन। बिहीबार उच्च अंकले उकालो लागेको कारोबार मापक नेप्से पसिरसूचक शुक्रबार भने पुनः ओरालो लाग्यो ।

नेपाल स्टक एक्सचेञ्जका अनुसार नेप्से परिसूचक ८.८७ अंकले ओरालो लागेर दुई हजार २८.७७ अंकमा पुगेको छ। त्यस्तै ठूला कम्पनीको सेयर कारोबार मापक सेन्सेटिभ परिसूचक ३.१७ अंकले ओरालो लागेर ३८८.६२ मा ओर्लेको छ।

कूल २२१ कम्पनीका ३६ लाख ६३ हजार २२० कित्ता सेयर एक अर्ब ४५ करोड ९३ लाख १२ हजार १५ मूल्यमा खरिद बिक्री भए। शुक्रबार बिहान ११ देखि १ बजेसम्म भएको कारोबारका आधारका बजार पूँजीकरण २८ खर्ब ९२ अर्ब ५१ करोड ६४ लाख २० हजार बराबर रहेको छ।

कारोबार भएका कूल १३ उपसमूहमध्ये तीन उपसमूहको सेयर मूल्यमा वृद्धि भएको छ भने १० उपसमूहको सेयर मूल्यमा गिरावट आएको छ। व्यापार २५.८१, वित्त ७.१२ र लघुवित्त २९.४८ अंकले उकालो लाग्यो।

त्यस्तै बैंकिङ ८.३२, होटल तथा पर्यटन २२.१८, विकास बैंक ४९.३४, जलविद्युत् ११.२२, निर्जीवन बीमा १८.२६, उत्पादन ३१.४७, अन्य ८.४५, जीवन बीमा ३३.८५, सामूहिक लगानी कोष ०.०९ र लगानी ०.५९ अंकले ओरालो लागेको छ।

नेप्सेका अनुसार कारोबारका आधारमा शिवम् सिमेन्ट शीर्ष स्थानमा छ। सो कम्पनीको पाँच करोड ५७ लाख ४७ हजार ८९३ बराबरको कारोबार भयो।

त्यस्तै एसियन लाइफ इन्स्याेरेन्स पाँच करोड २२ लाख ५६ हजार ३२६, नेपाल पुनरबीमा कम्पनी चार करोड ९० लाख ४८ हजार १४८, हिमालयन डिस्टिलरी चार करोड ६२ लाख दुई हजार ४७१ र एनआइसी एसिया बैंक चार करोड ५१ लाख ३२ हजार ६५५ बराबरको कारोबार भई शीर्ष पाँचभित्र पर्न सफल भए।

नेप्सेका अनुसार ओरालो लागेको बजारमा आँधीखोला लघुवित्त र सिवाइसिइल लघुवित्तको सेयर मूल्यमा १० प्रतिशतले वृद्धि भई सकारात्मक सर्किट लाग्यो। त्यस्तै नेपाल फाइनान्स ७.७०, मैलुङ खोला जलविद्युत् कम्पनी ६.१७ र किसान लघुवित्तका लगानीकर्ताले ४.८१ प्रतिशतले कमाए।

यस्तै, स्ट्यान्डर्ड चार्टड बैंक ४।७७, युनाइटेड इन्स्याेरेन्स ४।०३, लक्ष्मी लघुवित्त ३.७०, आरबिबी म्युचुअल फन्ड एक ३।६७ र जनरल इन्स्याेरेन्स कम्पनीका लगानीकर्ताले ३.४२ प्रतिशतले गुमाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हमासले आज थप चार शव इजरायललाई हस्तान्तरण गर्ने

राज्यले तराई-मधेशका उत्पीडित वर्गलाई विभेद गर्दै आएको छ : अध्यक्ष प्रचण्ड

ताप्लेजुङको आलोचुङगालामा बुनेको गलैँचाको माग उच्च