गायिका सुनार मृत्यु घटना : महाराजगञ्जको नालीमा फेला पर्‍यो सल

सुरक्षा/अपराध

नेपाल लाइभ आइतबार, असार १२, २०७९ १४:५२

काठमाडौं– लोकदोहोरी गायिका दिलमाया सुनारको सल फेला परेको छ। काठमाडौंको नेपालटारस्थित आफ्नै डेरामा मृत भेटिएकी सुनारबारे अनुसन्धान गरिरहेको प्रहरीले सिन्धुपाल्चोक साँगाचोकगढीका सूर्य भन्ने खिलबहादुर श्रेष्ठलाई नियन्त्रणमा लिइ सोधपुछ गरेको थियो।

त्यसक्रममा श्रेष्ठले सुनारको सल आफूले महाराजगञ्जमा नालीमा फालेको प्रहरीसँग बताएका थिए। श्रेष्ठको बयान अनुसार महाराजगञ्जको इन्भेष्टमेन्ट नजिकको नालीमा सुनारले ओढ्ने गरेको सल फेला परेको प्रहरी स्रोतले जानकारी दियो। तर, श्रेष्ठले आफूले हत्या नगरेको बताउँदै आएका छन्।

श्रेष्ठले दबाब दिएपछि सुनारले आत्महत्या गरेको हुनसक्ने प्रहरीको प्रारम्भिक अनुमान छ।

मृत सुनारको कोठामा मोबाइलसमेत फेला परेको थिएन। अघिल्लो दिन सामाजिक सञ्जाल फेसबुकमा ‘सुसाइड नोट’ लेख्नु र भोलिपल्ट आफ्नै कोठामा मृत भेटिँदा पनि मोबाइल नभेटिनुले घटना शंकास्पद देखिएको अनुसन्धान अधिकारीको विश्लेषण छ।

प्रहरीका अनुसार सूर्य शनिबार बिहानै मृतक सुनारको कोठामा पुगेका थिए। सुर्खेत घर भएकी दिलमाया नेपालटारमा डेरामा बस्दै आएकी थिइन्।

शुक्रबार राति आफूलाई बाँच्न मुश्किल भएको भन्दै सामाजिक सञ्जाल फेसबुकमा लेखेकी सुनार शनिबार बिहान पौने ११ बजे मृत भेटिएकी थिइन्। हालै राष्ट्रिय लोक दोहोरी गीत प्रतियोगितामा उनी उत्कृष्ट घोषित भएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँ उपत्यकाको तापक्रम क्रमशः बढ्दो

यस्तो छ आजको तरकारी र फलफूलको मूल्य

महाभारतमा आगलागी : सेना परिचालन, पर्यटकीय क्षेत्रमा जान रोक