फिल्म क्षेत्रमा प्रवेश गर्दै धोनी

सिनेमा

नेपाल लाइभ बुधबार, असार ८, २०७९ १६:०१

काठमाडौं- भारतीय राष्ट्रिय क्रिकेट टोलीका पूर्वकप्तान महेन्द्र सिंह धोनी आफ्नो दोस्रो इनिङ्सको तयारीस्वरुप फिल्म क्षेत्रमा प्रवेश गर्दैछन्।

एमएस धोनीको नामले चर्चित उनले दक्षिण भारतका फिल्म स्टार थालापथी विजयसँग फिल्म निर्माणलाई अगाडि बढाउन लागेका हुन्। उनी कलाकारको रूपमा नभएर निर्माता–निर्देशकको भूमिकामा देखिन लागेका हुन्।

धोनी इन्डियन प्रिमियर लिग (आईपीएल) को फ्रेन्चाइजी टोली चेन्नई सुपर किंग्सका कप्तानसमेत हुन्। त्यसैले उनको दक्षिण भारतमा राम्रो पहिचान छ।

उनले थालापथीलाई फोन गरेर सँगै काम गर्ने इच्छा प्रकट गरेका हुन्। जसलाई थालापथीले स्वीकार गरिसकेको विभिन्न भारतीय सञ्चारमाध्यमहरूले बताएका छन्।

धोनीले केही समयअघि आफ्नै प्रोडक्सन हाउस पनि स्थापना गरेका थिए। यसबाट एउटा एनिमेशन सिरिजको निर्माण भइसकेको छ। धोनीको कहानीमा आधारित फिल्म एमएस धोनी- द अनटोल्ड स्टोरी केही वर्षअघि निर्माण भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वडाध्यक्षको तरकारीखेती मोह

अमेरिकाको भर्जिनियामा कार दुर्घटना हुँदा २ नेपालीको मृत्यु

रवि आज काठमाडौं जिल्ला अदालतमा उपस्थित हुँदै