खगेन्द्रको ‘पानीफोटो’को मोसन पोस्टर सार्वजनिक

सिनेमा

नेपाल लाइभ शुक्रबार, जेठ २७, २०७९ २२:४९

काठमाडौं–अभिनेता तथा फिल्म निर्देशक खगेन्द्र लामिछानेले निर्देशन गरेको पहिलो फिल्म ‘पानीफोटो’को मोसन पोस्टर सार्वजनिक भएको छ। शुक्रबार फिल्मको मोसन पोस्टरलाई फरक र प्रयोगात्मक रुपमा प्रस्तुत गरिएको छ।

भिडियोमा खगेन्द्रले आफ्नो फिल्म निर्देशनको यात्राबारे बताएका छन्। आफ्नो फिल्म निर्देशन गर्ने सपना साकार गर्नलाई यो बाटो छानेको बारे जानकारी दिँदै उनले भनेका छन्, ‘सपनाको कुनै उत्तर हुँदैन।’

मोसन पोस्टरमा उनले फिल्मका कलाकारको बारेमा परिचय र फिल्मको फर्स्ट लुकलाई पनि सार्वजनिक गरेका छन्। फिल्मको पोस्टरमा एक युवती हरियालीले भरिएको परिदृश्यमा दौडिरहेको देख्न सकिन्छ।

यता फिल्मका कलाकारहरुमा भने मेनुका प्रधान, अनुप बराल, महिला महत र स्वयः लामिछाने पनि छन्। फिल्मको कथा भने बेपत्ता छोराको पखाईमा बसेका आमाबाबामाथि आधारित भएको लामिछानेले बताएका छन्।

टुकी आर्टस र मञ्जुश्री फिल्म प्रोडक्सनको ब्यानरमा बनेको यो फिल्म आगामी साउन १३ मा प्रदर्शनमा आउनेछ।

हेर्नुहोस मोसन पोस्टरः

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अब बैंक खाता खोल्न राष्ट्रिय परिचयपत्र चाहिने

धरौटी रकम बुझाएर अदालतबाट निस्किए रवि

बेलबारी भिडन्तका बेला राखिएको बम २१ वर्षपछि ‘डिस्पोज’