काठमाडाैं-काठमाडाैं महानगरपालिकाका प्रमुख बालेन्द्र शाहले महानगरपालिका क्षेत्रभित्र सञ्चालन गरिने विकास निर्माणका कामलाई व्यवस्थित मितव्ययी र प्रभावकारी बनाउन सरोकारवालासँग छलफल सुरु गरेका छन्। शुक्रबार उनले नेपाल विद्युत्त प्राधिकरण,काठमाडाैं उपत्यका खानेपानी लिमिटेड, नेपाल दूरसञ्चार प्राधिकरण लगायतसँग छलफल गरेका हुन्।
भौतिक पूर्वाधारका कार्य गर्दा सरोकारवाला तीन तहका सरकारी निकायद्वारा समन्वय गरी कार्य सम्पादन गर्ने सम्वन्धमा काठमाडौं महानगरपालिकाका प्रमुख बालेन्द्र शाहको अध्यक्षतामा बैठक बसी सम्बद्ध सबै निकायले साझा उपाय अवलम्बन गर्ने क्रममा आउनसक्ने सम्भावित कानूनी र प्रबन्धकीय पक्षमा सुधार गरी कार्य सम्पन्न गर्ने निर्णय समेत गरेको छ।
बैठकमा उपप्रमुख सुनीता डंगाेल, नेपाल विद्युत प्राधिकरणका कार्यकारी निर्देशक, काठमाडौं उपत्यका खानेपानी लिमिटेड, नेपाल दूरसञ्चार प्राधिकरण, सडक विभाग, मेलम्ची खानेपानी आयोजनासमेतका तर्फबाट कार्यकारी तहका पदाधिकारीहरुको उपस्थिति रहेको बैठकपछि शाहले जारी गरेको विज्ञप्तिमा उल्लेख छ।
त्यस्तै बैठकले प्रत्येक महिनाको पहिलो सोमवार दिनको ३ बजे काठमाडौं महानगरपालिका प्रमुखको अध्यक्षतामा बैठक बस्ने निर्णय पनि गरेको छ।
महानगरपालिका क्षेत्रभित्र विकास निर्माण तथा सेवा प्रवाहका क्षेत्रमा कार्य गर्ने सबै निकायको व्यवस्थापन तथा कार्यकारी भूमिकामा रहेका पदाधिकारीहरु उपस्थित भई समन्वय समितिको बैठक बस्ने र कामकारबाहीहरुको समीक्षा गर्ने निर्णय गरिएकाे छ।
एकीकृत रुपमा सम्पादन गर्न सकिने कार्यहरुलाई यकिन गरी एकीकृत प्रारुप र प्रभावकारी रुपमा सम्पादन गर्ने, सम्बद्ध निकायबीच एक आपसमा समन्वय र सहकार्यको वातावरण निर्माण गर्ने निर्णय बैठकले गरेको जारी विज्ञप्तिमा उल्लेख छ।
कार्य सम्पादनका क्रममा आइपर्ने समस्याको यथोचित समाधान गर्ने समेतका कार्य गरिने र मूलत. काठमाडौं महानगरपालिका क्षेत्रभित्रको सार्वजनिक निर्माण तथा सार्वजनिक सेवा प्रवाहको काम कारबाहीलाई निरन्तर रुपमा थप प्रभावकारी बनाउँदै लैजाने निर्णय गरिएको विज्ञप्तिमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791107799.jpeg)
-1786602170.png)
