काठमाडौं– सोमबार पाँच जना प्रहरी नायब महानिरीक्षक (डीआईजीपी) प्रहरी अतिरिक्त महानिरीक्षक (एआईजीपी) पदमा बढुवाका लागि सिफारिस भए।
डीआईजीहरू उत्तमराज सुवेदी, अरुणकुमार बिसी, दिवेश लोहनी, मुकुन्द राज आचार्य र पूजा सिंह एआईजी बढुवाका लागि सिफारिस भए। उनीहरू एआईजीका लागि सिफारिस भएसँगै रिक्त रहने पाँच र यसअघि रिक्त १२ गरी नेपाल प्रहरीमा १७ डीआईजीको पद रिक्त छ।
२० दरबन्दी रहेको डीआईजीमा (हाल एआईजीपीमा सिफारिस भएका ५ जना बाहेक) अहिले जम्मा ३ जना मात्रै डीआईजीहरू छन्। जसमा मधेश प्रदेश प्रहरी कार्यालयमा मसाउँद आलम खाँ, लुम्बिनी प्रदेश प्रहरी कार्यालयमा नलप्रसाद उपाध्याय र सुदूरपश्चिम प्रदेश प्रहरी कार्यालयमा मोहनकुमार आचार्य गरी तीन मात्रै डीआईजी छन्। रिक्त रहेको १७ पदका लागि तीन ब्याचका ३८ प्रहरी अधिकारी बढुवाको प्रतिस्पर्धामा छन्।
अहिलेको अवस्था फेरबदल नभए आगामी चैतमा अहिले डीआईजी भएकाहरू मध्येबाटै आईजीपी बढुवा हुने हुँदा डीआईजी बढुवामा चर्को प्रतिस्पर्धा सुरु भएको छ।
३० वर्षे सेवा अवधि कायमै रहेको अवस्थामा आउँदो चैतमा हालकाआईजीपी धीरजप्रताप सिंह अवकाशमा जानेछन्। त्यसपछि अहिले डीआईजीमा बढुवा हुनेमध्येबाटै एक जना आईजीपी बन्नेछन्।
२०७५ माघ २६, २०७७ वैशाख ९ र २०७७ पुस २९ मा एसएसपी भएका टोलीबीच प्रतिस्पर्धा सुरु भएको छ। २०७५ माघ २६ मा १४ जना एसएसपीमा बढुवा भएका थिए। पहिलो नम्बरमा सन्दीप भण्डारी, दोस्रोमा टेकप्रसाद राई, तेस्रोमा उमेशराज जोशी, चौंथोमा श्यामलाल ज्ञवाली र पाँचौंमा डा. गणेश रेग्मी बढुवा भएका थिए। रेग्मी भने अवकाशमा गइसकेका छन्।
त्यसैगरी, सोही बेला क्रमशः रामदत्त जोशी, दीपक थापा, मीरा चौधरी, बुद्धिराज गुरुङ, किरण बज्राचार्य, पोषराज पोखरेल, टेकबहादुर तामाङ, वसन्तबहादुर कुँवर, भीमप्रसाद ढकाल बढुवा भएका थिए। यो टोलीबाट बढुवा हुनका लागि तिव्र प्रतिस्पर्धा छ।
यो टोलीभन्दा डेढ वर्षपछि २०७७ वैशाख ९ मा एसएसपी बढुवा भएकाहरू पनि तिव्र प्रतिस्पर्धामा उत्रिएका छन्। त्यतिबेला १९ जना एसएसपीमा बढुवा भएका थिए।
विष्णुकुमार केसी, दुर्गा सिंह, चन्द्रकुवेर खापुङ, कुवेर कडायत, भरतबहादुर बोहरा, केदार ढकाल, अशोक सिंह, सुदीप गिरी, दुर्गा सिंह, किरण राणा, रविन्द्र केसी, राजेशनाथ बास्तोला, यज्ञविनोद पोखरेललगायत बढुवा भएका थिए। उनीहरू सबै डीआईजी बढुवाको लबिइङमा छन्।
२०५२ कात्तिकमा इन्स्पेक्टरमा नियुक्ति पाएकामध्ये विष्णुकुमार केसी पहिलो नम्बरमा छन्। एसपीमा अघिल्लो टोलीसँगै बढुवा भएका उनी एसएसपीमा बढुवा हुँदा भने छुटाइएका थिए।
१९ मध्ये वीरेन्द्र बस्याल, हृदय थापा, नवराज भट्ट, मुकेश सिंह, राजकुमार बैदवार, अवकाशमा गइसकेका छन्।
२०७७ पुस २९ गते एसएसपी भएकाहरू पनि बढुवाका लागि लबिइङमा लागिसकेका छन्। त्यतिबेला बढुवा भएकामध्ये एसएसपी गोविन्द साहले राजीनामा दिइसकेका छन्। बाँकी रहेका १० एसएसपीहरू अहिले नै डीआईजी बन्ने दौडमा लागेका छन्। यो लटमा कृष्णकुमार महत, उमाशंकर पञ्जियार, अर्जुन चन्द ठकुरी, जनकराज पाण्डेय, सुरेन्द्रप्रसाद मैनाली, कृष्णहरि शर्मा पोखरेल, चक्रबहादुर सिंह, दिल्लीराज पन्त, मधुसुदन लुईंटेल, मोहनप्रसाद पोखरेल एसएसपी भएका थिए।
तीन प्रदेशमा डीआईजी खाली, एक प्रदेश एसएसपीको भरमा
पाँच जना डीआईजी एआईजीमा बढुवाका लागि सिफारिस भएसँगै तीन वटा प्रदेश डीआईजीविहीन हुने भएका छन्। प्रदेश प्रहरी कार्यालयको कमाण्ड डीआईजीले गर्दै आएका छन्। अब एसएसपीबाट डीआईजी बढुवा भएर पदस्थापन नहुन्जेलसम्म तीन वटा प्रदेश प्रहरी कार्यालय डीआईजीविहीन हुने भएका हुन्।
डीआईजीहरू अरुणकुमार बिसी, दिवेश लोहनी र पूजा सिंह बढुवाका लागि सिफारिस भएसँगै क्रमशः प्रदेश १ प्रहरी कार्यालय, गण्डकी प्रदेश प्रहरी कार्यालय र बागमती प्रदेश प्रहरी कार्यालय तत्कालका लागि डीआईजीविहीन हुने भएका हुन्।
डीआईजी नै नभएका कारण झण्डै एक महिनादेखि कर्णाली प्रदेश प्रहरी कार्यालय त एसएसपीको भरमा चल्दै आएको छ। एसएसपी राजेशनाथ बाँस्तोलाले कर्णाली प्रदेश प्रहरी प्रमुखको कमाण्ड सम्हाल्दै आएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-(1)-1738288728.JPG)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
