काठमाडौं- योजनाविद् एवं लागुऔषधको क्षेत्रमा लामो समय काम गरेका चैतन्य सुब्बाको एउटा रहर थियो किराँतहरुको इतिहासको पुर्नव्याख्या गरेर अनुसन्धानमुलक वृहत्त पुस्तकको लेखन। उनी पछिल्लो कालखण्डमा यसमा व्यस्त पनि रहेका थिए।
किराँतहरुको इतिहासमा विविध र आ-आफ्नो व्याख्या आएपछि उनले यसलाई विस्तृत र ब्याख्यात्मक रुपमा पुस्तक लेखनका लागि आफूलाई समर्पित गरेका थिए। तर उनले सपना पूरा गर्न नपाउँदै मंगलबार धर्तीबाट बिदा लिए। उनी याक्थुङ मुन्धुम, युमासाम्योको दर्शनको अध्ययन अनुसन्धान र व्याख्या, पुनर्व्याख्या गर्दै वृहत् पुस्तक लेखनमा व्यस्त थिए तर त्यसलाई अधुरै छोडर बिदा भएको परिबार स्रोतले जानकारी दिएको छ।
लामो समयदेखि उच्च रक्तचाप, मधुमेहबाट उनी पीडित थिए। मेन्याङ्बो पछिल्लो समयमा मुटुमा समस्या देखिएपछि मनमोहन कार्डियो भास्कुलर सेन्टरमा उपचाररत थिए। उनलाई अचानक मुटुको भल्बले काम नगरेपछि अस्पताल भर्ना गरि ओपन हार्ट सर्जरी गरेपछि आइसीयूमा राखिएको थियो।
विसं. २००३ भदौ २९ गते जन्मेका मेन्याङ्बोक श्रीमती, एक छोरी र दुई छोरासँग काठमाडौं सिफलमा बस्दै आएका थिए। मेन्याङ्बोले योजना, लागूपदार्थ रोकथाम र लिम्बु संस्कृतिसम्बन्धी दर्जनभन्दा बढी पुस्तक लेखेका छन्।
मेन्याङ्बोले सन् १९९० मा ‘ट्रिटमेन्ट अफ ड्रग डिपेन्डेन्स इन नेपालः एप्रोचेज एन्ड एक्सपिरियन्सेज’ पुस्तक लेखेका थिए। त्यसलगत्तै उनले ‘ड्रग प्रिभेन्स एजुकेसन : टिचर ट्रेनिङ मेन्यअल, स्टुडेन्ट्स एन्ड ड्रग इन नेपाल’‚ ‘अर्बान ड्रग युजर्स : अ रिसर्च रिपोर्ट’, ‘ड्रग एब्युज प्रिभेन्सन एजुकेसन टिचर्स पर्स्पेन्टिभ्स’, ‘एन इभ्याल्युएसन अफ स्कुलबेस्ड ड्रग एजुकेसन प्रोगाम : अ रिसर्च रिपोर्ट’लगायत पुस्तकहरू लेखेका छन्।
सुरुवाती समयमा लागूपदार्थको विषयमा खोज/अनुसन्धान गर्दै आएका मेन्याङ्बो नेपलमा लागूपदार्थ दुरुपयोग निवारण संघको कार्यकारी निर्देशक समेत भएका थिए।
इन्टरनेसनल अर्गनाइजेसन अफ गुड टेम्पलर्स साउथ एन्ड साउथ इस्ट एसिया रिजनल काउन्सिलको कार्यकारी सदस्य, लागूऔषध माग घटाउन गृह मन्त्रालयका लागि यूएनडीपीको परियोजना कन्सल्ट्यान्ट भएर काम गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
