बढ्यो नेपालको व्यापार घाटा, १३ खर्बभन्दा बढीको आयात हुँदा करिब डेढ खर्बको निर्यात

अर्थ समाचार

नेपाल लाइभ मंगलबार, चैत ८, २०७८ ०६:०२

काठमाडौं– चालु आर्थिक वर्षको ८ महिनामा नेपालको व्यापार घाटा ११ खर्ब ६० अर्बभन्दा बढी पुगेको छ। भन्सार विभागको तथ्यांकअनुसार गत साउनदेखि फागुन मसान्तसम्म नेपालले १३ खर्ब ८ अर्ब ७३ करोड रुपैयाँ बराबरको वस्तु आयात गर्दा १ खर्ब ४७ अर्ब रुपैयाँ बराबरको मात्र वस्तु निर्यात गरेको छ।

यो गत आवको सोही अवधिको तुलनामा गत आवको सोही अवधिको तुलनामा ३४.५० प्रतिशत बढी व्यापारघाटा हो। गत आवको सोही अवधिको तुलनामा आयात व्यापार ३८.६४ प्रतिशतले बढेको छ भने निर्यातको व्यापारमा ८२.९० प्रतिशतको सुधार देखिन्छ।

पछिल्लो समय सरकारले प्रतीतपत्रमा कडाइ गर्दा पनि आयात उकालो लागिरहेको देखिन्छ।

विभागका अनुसार आयात भएका वस्तुहरुको सूचीमा सबैभन्दा बढी आयात पेट्रोलियम पदार्थ र कच्चा खानेतेल रहेको छ।

चालु आवको ८ महिनामा ८७ अर्ब ८३ करोड रुपैयाँ बढीको डिजेल, ३९ अर्ब ८५ करोड रुपैयाँ बराबरको पेट्रोल र ४३ अर्ब ७४ करोड रुपैयाँ बढीको कच्चा भटमासको तेल आयात भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गठबन्धन सरकार संविधान कार्यान्वयनमा केन्द्रित छ : गगन थापा

गाजामा युद्धविरामको म्याद शनिबार सकिँदै, दोस्रो चरणको वार्ताको तयारी

जनकपुर र वीरगञ्जपछि मुख्यमन्त्री सिंहले गरे बर्दिबासका अस्पताल अनुगमन, पाँचवटालाई बन्द गर्न निर्देशन