काठमाडौं– नेपालकै पहिलो फ्रेञ्चाइज फुटबल प्रतियोगिता नेपाल सुपर लिग (एनएसएल)को दोस्रो संस्करणको लागि खेलाडी किनबेच (अक्सन) मा त्रिभुवन आर्मी फुटबल क्लबका कप्तान तथा फरवार्ड भरत खवासदेखि मिडफिल्डर विक्रम लामासम्मका चर्चित खेलाडी 'अनसोल्ड' भएका छन्।
काठमाडौंको सोल्टी होटेलमा भएको अक्सनमा विभिन्न क्याटोगरीमा समावेश त्रिभुवन आर्मी क्लबका कप्तान भरत, थ्रीस्टार क्लबका कप्तान विक्रम लामा र मछिन्द्र फुटबल क्लबका अभिषेक रिजाल जस्ता खेलाडीहरुलाई किन्न एनएसएलका कुनै पनि क्लबहरुले इच्छा देखाएनन्।
२४९ जना खेलाडी अक्सनमा समावेश गरिएकोमा ‘ए’ क्याटागोरीका ४९, ‘बी’ र ‘सी’ क्याटागोरीका १००/१०० जना खेलाडीलाई १० वटा क्लबले बोली लगाएका थिए। अक्सनबाट १५० खेलाडी अनुबन्धित भएका छन्।
एक टोलीले १५ जना खेलाडी अनुबन्धनका लागि कम्तीमा १८ लाखदेखि बढीमा २५ लाख रुपैयाँसम्म खर्च गर्न पाउने व्यवस्था मिलाइएको थियो। एक टोलीले क्याटागोरी ‘ए’ बाट बढीमा ४, ‘बी’ बाट बढीमा ६ र ‘सी’ बाट बढीमा ५ जना खेलाडी अनुबन्ध गर्न पाउने व्यवस्था मिलाइएको थियो।
जो बिक्री भएनन्
मिडफिल्डर विक्रम लामा पहिलो चरणमा अनसोल्ड भए। थ्रीस्टार क्लवका विक्रमले चोटका कारण लिगका पछिल्ला खेल गुमाएका थिए। ‘गोल्डेन बजर’मा उनको नाम आएपनि कुनै टोलीले उनीमाथि रुचि देखाएनन।
यता, त्रिभुवन आर्मी फुटबल क्लबका कप्तान तथा फरवार्ड भरत पनि अनसोल्ड भएका छन्। ‘ए’ क्याटागोरीमा रहेका भरतको न्यूनतम मूल्य १ लाख ५० हजार रुपैयाँ रहेको थियो। गत सिजन भरत एफसी चितवनको मार्की खेलाडी थिए।
राष्ट्रिय टोलीको कप्तानी समेत गरिसकेका भरतको कप्तानीमा आर्मीले यसपटक ए डिभिजन लिगमा दोस्रो स्थान प्राप्त गरेको थियो।
मिडफिल्डर नितिन थापा अनसोल्ड भए। गत सिजन पोखरा थन्डर्सबाट खेलेका नितिनमाथि यो पटक कुनै टोलीले बोली लगाएनन्।
मछिन्द्र फुटबल क्लबका फरवार्ड अभिषेक रिजाल पनि अनसोल्ड भएका छन्। ‘ए’ क्याटागोरीमा रहेका भरतको न्युनतम मूल्य १ लाख ५० हजार रुपैयाँ राखिएको थियो।
राष्ट्रिय टोलीबाट पनि खेलिसकेका अभिषक आइ लिग टोलीमा पनि विगतमा आबद्ध भएका थिए। तर, पछिल्लो केही वर्षदेखि भने उनी घरेलु फुटबलमा पनि प्रभाव जमाउन असफल हुँदै आएका छन्।
फरवार्ड सुशील राई पनि अनसोल्ड भए। गत सिजन उनले विराटनगरबाट खेलेका थिए। ए डिभिजन लिग उनले सातदोबाटो युथ क्लबबाट खेलेका थिए।
अन्य,
सन्तोष हेमरन, रमेश कुमार राजवंशी, बिक्रम धिमाल ,विनय श्रेष्ठ, हेम तामाङ, अविशेक रिजाल, गौरव श्रेष्ठ,आमिर श्रेष्ठ,सुमन सुवेदी, उमेश राई, दिलकुमार लिम्बु, विजय भुजेल, रवि सिलवाल, दिपक सिंह ठकुरी, सुशन श्रेष्ठ , मानबहादुर रान मगर, सत्रुधन चौधरी, पूर्ण लिम्बु, दिपेश गुरुङ, तोपबहादुर विष्ट , जितेन्द्र कार्की, अनिल महर्जन, विकाश लामा, सुरेश कुमाल , सुरज विश्वकर्मा, दिपकराज सिंह, पूर्णबहादुर श्रेष्ठ, रोमन लिम्बु, प्रदिप लामा, पृजेन तामाङ, प्रेमबहादुर भण्डारी, सागर थापा, अजित गुरुङ, सन्तोष महत, श्याम नेपाली,जुमानु राई, भिषण गुरुङ, अशिम भुसाल, मानबहादुर परियार, सन्तबहादुर गुरुङ, प्रकाश पुन, पूर्णबहादुर गुरुङ, शुशील लामा, अनिश श्रेष्ठ, मनोज राई, कर्णबहादुर लिम्बु, भरत शाह, विवेक भण्डारी, सुशीलकुमार यादव, रुजित पुडासैनी, सुसन लामा,तपन कार्की, विशाल तामाङ, गणेश हमाल, आकाश राई, समिर बराल , सुजित बुढाथोकी, निशान लिम्बु, ज्ञानदीप खड्का, लक्ष्मण जिसी, अजित प्रजापति,आदित्य चौधरी, रामचन्द्र बजी, आकाश थापा, संजोक महर्जन, समिराज थोकर, सुनिल खड्का
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1786602170.png)
-1786513116.png)
