काठमाडौं– नेपालकै पहिलो फ्रेन्चाइज फुटबल प्रतियोगिता नेपाल सुपर लिग (एनएसएल)को दोस्रो संस्करणका लागि शुक्रबार किनबेच (अक्सन) गरिएको छ।
१० टोलीले एक–एक जना खेलाडी ‘गोल्डेन बजर’ प्रक्रियाबाट अनुबन्धित गरेका छन्। क्याटागोरी ‘ए’मा परेका खेलाडीका लागि एउटा क्लबले एक जना लिन पाउने गरी एनएसएल अक्सनमा यसपल्टदेखि गोल्डेन बजर लागू गरिएको छ।
यसपल्ट गोल्डेन बजरबाट सबै टिमले एक–एक खेलाडी लिएका छन्। साविक विजेता काठमाडौं रेजर्सले ए डिभिजन लिगका सर्वोत्कृष्ट खेलाडी फरवार्ड सुनिल बललाई गोल्डेन बजरबाट पाएको छ।
यसपटक मछिन्द्र फुटबल क्लबले सहिद स्मारक ए डिभिजन लिगको उपाधि रक्षा गर्दा सुनिल टोलीका मुख्य सदस्य थिए। उनले लिगमा ६ गोल गरेका थिए।
यता, पोखरा थन्डर्स एफसीले डिफेण्डर दिनेश राजवंशीलाई अनुबन्ध गरेको छ। राष्ट्रिय टोली तथा मनाङ मर्स्याङ्दी क्लबका डिफेन्डर दिनेशले गत वर्ष धनगढी एफसीबाट एनएसएल खेलेका थिए।
एनएसएलको नयाँ टिम स्पोर्टिङ इलाम डी मेचीले डिफेण्डर गौतम श्रेष्ठलाई लिएका छन्। झापा एफसीले डिफेण्डर निशान खड्का र वीरगञ्ज युनाइटेडले डिफेण्डर मानबहादुर तामाङलाई अनुबन्ध गरेका छन्।
यता, विराटनगर एफसीले राष्ट्रिय टोलीका गोलरक्षक दीप कार्की, बुटवल लुम्बिनी एफसीले डिफेण्डर सुमन अर्याल, चितवन एफसीले फरवार्ड त्रिदेव गुरुङलाई गोल्डेन बजरमार्फत् अनुबन्ध गरेका छन्।
यस्तै, ललितपुर सिटी एफसीले गोलरक्षक विशाल सुनार र धनगढी एफसीले डिफेन्सिभ मिडफिल्डर पुजन उपर्कोटीलाई गोल्डेन बजरमार्फत् अनुबन्ध गरेका छन्। उनीहरु सबै अधिकतम मूल्य ३ लाख ५० हजार रुपैयाँमा अनुबन्धित भएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1709961276.jpg)
-1786602170.png)
