भारतीय प्रधानमन्त्री मोदीको अभिव्यक्तिप्रति राजमोको ध्यानाकर्षण

राजनीति

नेपाल लाइभ आइतबार, पुस २५, २०७८ ११:४५

राजमो अध्यक्ष चित्रबहादुर केसी

काठमाडौं- भारतीय प्रधानमन्त्री नरेन्द्र मोदीको अभिव्यक्तिलाई लिएर राष्ट्रिय जनमोर्चाले ध्यानाकर्षण भएको जनाएको छ। राजमोका अध्यक्ष चित्रबहादुर केसीले विज्ञप्ति जारी गर्दै मोदीले भारतको उत्तराखण्ड राज्यमा अवस्थित हलद्वानीको एउटा सार्वजनिक कार्यक्रममा दिएको अभिव्यक्तिको प्रसंगको चर्चा गर्दै ध्याकर्षण भएको बताएका हुन्।

सो कार्यक्रममा मोदीले मानसरोवरसम्म जाने सडक पुर्‍याउनका लागि लिपुलेक क्षेत्रमा सडक विस्तारको काम भइरहेको बताएका थिए। 'गत साल भारतले नेपालको कालापानी क्षेत्र अन्तर्गत लिपुलेकमा नेपाली भूमि अतिक्रमण गरी सडक निर्माण गर्नुका साथै भारतका रक्षामन्त्रीले भर्चुअल माध्यमबाट त्यसको उद्घाटन पनि गरेको थिए। भारतको उक्त हेपाहा कार्यको विरुद्ध देशब्यापी रुपमा जनता सडकमा उत्रेका थिए। भारतीय साम्राज्यवादले नेपाली भूमि अतिक्रमण गरी नेपालको अनुमतिविना गरिएको निर्माण कार्यको राष्ट्रिय जनमोर्चाले घोर विरोध तथा भर्त्सना गरेको थियो,' विज्ञप्तिमा भनिएको छ, 'त्यसका बाबजुद पनि भारतीय साम्राज्यवादले सडक विस्तारको काम जारी नै राखेको थियो। तात्कालीन अवस्थामा नेपाल सरकारबाट पनि उक्त कार्यको विरोध गर्दै भारतलाई कुटनीतिक नोट पठाएको थियो।'

भारतले सडक विस्तारको कार्य अहिले पनि जारी राखेकोमा त्यसको घोर विरोध गर्दै नेपाल सरकारलाई तुरुन्तै भारतसँग यो विषयमा कुराकानी गर्न तथा निर्माण कार्य रोक्न राजमोले माग गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन