आईएमएस सफ्टवेयर र फोकस वान पेमेन्ट सोलुसनबीच सहकार्य

कर्पोरेट

नेपाल लाइभ मंगलबार, पुस २०, २०७८ २०:५०

काठमाडौं- आईएमएस सफ्टवेयर र फोकस वान पेमेन्ट सोलुसनबीच एक समझदारीपत्र (एमओयू) मा हस्ताक्षर भएको छ। आईएमएस सफ्टवेयरको त्रिपुरेश्वरस्थित कार्यालयमा एक समारोहबीच आइतबार दुवैपक्षले समझदारीपत्रमा हस्ताक्षर गरेका हुन्।

आईएमएस सफ्टवेयरका प्रबन्ध निर्देशक सन्तोष ताम्राकार र फोकस वान पेमेन्ट सोलुसनका प्रमुख कार्यकारी अधिकृत प्रणया राजभण्डारीले समझदारीपत्रमा हस्ताक्षर गरे।

दुवै पक्षले मोको डिजिटल वालेटलाई आईएमएस सफ्टवेयरको उपभोक्ता सफ्टवेयरसँग एकीकृत गर्न सहमति जनाएका छन्। यसले भुक्तानी संघका प्रयोगकर्ताहरूले आईएमएस सफ्टवेयरद्वारा उत्पन्न गरिएको डायनामिक क्यूआर कोड स्क्यान गरी भुक्तानी गर्न सक्षम हुने अपेक्षा गरिएको छ।

'आईएमएस सफ्टवेयर नेपालको एक मात्र सफ्टवेयर कम्पनी हो जसले आफ्नो सफ्टवेयर समाधानमा सात डिजिटल भुक्तानी प्लेटफर्महरू सफलतापूर्वक एकीकृत गरेको छ,' कम्पनीद्वारा जारी विज्ञप्तिमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित