संक्रमणकालीन न्यायको काम टुंगो लगाउन अब ढिलाइ गर्नहुन्न : नारायणकाजी श्रेष्ठ

महाधिवेशन विशेष

नेपाल लाइभ आइतबार, पुस ११, २०७८ १८:२६

काठमाडौं- नेकपा (माओवादी केन्द्र)का वरिष्ठ नेता नारायणकाजी श्रेष्ठले संक्रमणकालीन न्यायको काम हरहालतमा पूरा गर्नेतर्फ अब ढिलाइ गर्न नहुने बताएका छन्।

पार्टीको आठौं राष्ट्रिय महाधिवेशनको उद्घाटनसत्रमा बोल्दै नेता श्रेष्ठले यस्तो बताएका हुन्।

‘मूलभूत दुई कुरा सेना समायोजन र संविधान निर्माणको काम पूरा गर्‍यौं। अर्को काम सत्य निरुपण र बेपत्ता छानबिनको काम संक्रमणकालीन न्यायको काम बाँकी छ,’ उनले भने, ‘यो अधुरो हुँदासम्म शान्ति प्रक्रियाका विषयमा प्रश्न उठिरहन्छ। यी दुई विषयको हर हालतमा पूरा गर्नुपर्ने आवश्यकता छ।’

विगतमा भएको कमीकमजोरीलाई सच्याएर अघि बढ्नु आजको आवश्यकता भएको भन्दै पार्टी अब त्यसै दिशातर्फ अघि बढ्नुपर्ने बताए। ‘हामीले आफूलाई बदल्ने अजेण्डासहित हामी व्यापक छलफल गरिरहेका छौं,’ उनले भने।

राष्ट्रियताको सवालमा आफ्नो पार्टी कहिल्यै कसैसँग नझुक्ने भन्दै उनले संविधानको रक्षा गर्नु आजको आवश्यकता भएको बताए।

'संविधानको रक्षा गर्नुछ। व्यवहारमा कार्यान्वयन गरेर आवश्यकता अनुसार संविधानको संशोधन गर्दै लोकतन्त्रलाई अझै विकसित गरेर लैजानुपर्छ। सामाजिक आर्थिक रुपान्तरण गर्नुछ। जनताको जीवन फेर्नुछ,’ उनले भने, ‘समाजवादको आधार तयार पार्नुछ। सबै मिलेर त्यसतर्फ ध्यान दिनुपर्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कलाकार ऐरको निधन

आईपीएलमा पञ्जाबमाथि राजस्थानको शानदार जित

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्