काठमाडौं- कुनै समय एउटै पार्टीमा रहेर 'जनयुद्ध'मा सहभागी भएका नेकपा (क्रान्तिकारी माओवादी)का नेता सीपी गजुरेलले आइतबार माओवादी केन्द्रको महाधिवेशनको उद्घाटन सत्रमा शुभकामना सम्बोधन गरे। उनी बोलिरहँदा माओवादी केन्द्रका नेता तथा कार्यकर्ताहरुले निरन्तर ताली बजाएर प्रशंसा गरे।
सुरुआतमै गजुरेलले आफूलाई माओवादी केन्द्रका नेताहरुसँग बिताएको पुराना दिन सम्झना आएको बताए। 'हामी नेकपा माओवादी हुँदाखेरी वर्षौंसम्म सँगै बसेको अनुभूति पनि मलाई भइरहेको छ,' उनले भने, 'यहाँ सहभागी भइरहँदा पनि मलाई ती पुराना दिनहरुको पनि सम्झना भइरहेको छ।'
त्यसपछि माओवादी केन्द्रका नेताहरुले बेलाबखतमा भन्ने गरेको पुराना माओवादी एक जुट हुनुपर्छ भन्ने अभिव्यक्तिलाई उनले सम्बोधन गर्ने प्रयास गरे। 'एकताबद्ध हुनुपर्छ भनिरहेको कुरा पनि यतिखेर म राम्रोसँग सम्झिरहेको छु। हामीले यसलाई नकारात्मक होइन, सकारात्मक अर्थमा बुझ्ने गरेका छौं,' गजुरेल बोलिरहँदा तालीको पर्रा छुट्यो।
'हामी चाहन्छौं, नेपालमा भएका सम्पूर्ण कम्युनिस्ट क्रान्तिकारीहरु एकताबद्ध हुनुपर्छ र उनीहरुले आफ्नो लक्ष्य हासिल गर्नका निम्ति जनताले जुन रगत बगाएका थिए, त्यसलाई सार्थकता दिनको निम्ति हामी सबै प्रयत्नशील हुनुपर्छ। देशका सबै सच्चा कम्युनिस्ट एक हुनुपर्छ भन्ने म राख्न चाहन्छु,' उनले भने।
त्यसपछि भने गजुरेलले साँच्चै नै पूर्वमाओवादीहरु एक ठाउँमा हुने हो भने केही आधारहरु तयार पार्नुपर्ने प्रस्ताव राखे। जुन कार्यभार उनले महाधिवेशन प्रतिनिधिहरुका निम्ति सुम्पिए। गजुरेलको पहिलो सर्त थियो- पूर्वमाओवादीहरु एक जुट हुने हो भने हामीले जनयुद्ध सुरु हुनु अगाडिको केन्द्रीय समितिको बैठकमा जुन प्रतिबद्धता जाहेर गरेका छौं, त्यसलाई पुनःस्थापित गर्नुपर्छ।
त्यस्तै, जुन लक्ष्य राखेर जनयुद्ध गरिएको थियो, त्यो अधुरो र अपूरो रहेको भन्दै नेपाललाई जनगणतन्त्र बनाउनको लागि तुरुन्त अगाडि बढ्नुपर्ने बताए। उनले त्यो कार्यक्रम पारित गरौं भन्ने प्रस्ताव प्रस्तुत गरे।
गजुरेलले राष्ट्रिय स्वाधीनताको विषयमा केही महत्त्वपूर्ण निर्णय लिनुपर्ने बताए। अहिले विवादमा परिरहेको एमसीसी सम्झौता खारेज गर्न जोड लगाउन उनले आग्रह गरे।
'नेपालले गुमाएको भू-भागहरु नक्सामा हासिल गर्यौं तर वास्तविक रुपमा हासिल गर्न सकेका छैनौं। कालापानी, लिपुलेख र लिम्पियाधुरा हासिल गर्नका निम्ति यो पार्टीले प्रतिबद्धता जाहेर गर्नुपर्छ। नेपालले गुमाएका सबै भूभाग प्राप्त गर्ने प्रतिबद्धता जाहेर गर्नुहुन्छ भन्ने आशा गरेको छु,' उनले भने।
उल्लिखित आधारहरु तयार भयो भने पार्टी एकताको लागि बहस र छलफल गर्ने ढोका खुल्ने उनको भनाइ छ। 'त्यसका लागि यो महाधिवेशनले ढोका खोलोस् र तपाईंहरुको योगदान रहन्छ भन्ने विश्वास लिन्छु,' उनले भने।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1710220882.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
