काठमाडौं– राष्ट्रिय जनमोर्चाकी उपाध्यक्ष दुर्गा पौडेलले माओवादी केन्द्रको महाधिवेशनले गठबन्धनलाई कायम राख्नेगरि निर्णय गर्नुपर्ने बताएकी छन्। माओवादी केन्द्रको ८औं राष्ट्रिय महाधिवेशनमा शुभकामना मन्तव्य दिँदै उनले प्रतिगमन चर्को रुपमा अघि बढेकाले पाँच दलको गठबन्धन अझै अघि बढाउनुपर्ने आवश्यकता रहेको बताइन्।
उनले एमसीसी राष्ट्रघाती भन्दै महाधिवेशनबाट त्यसलाई पारित नगर्ने निर्णय गर्नुपर्ने उनको सुझाव छ। उनले एमसीसी र संघीयताका बारेमा जनमोर्चाले स्पष्ट कुरा राखेको बताइन्।
अहिले गणतन्त्र र धर्म निरपेक्षतामाथि आक्रमण भइरहेको उनको भनाइ छ। उनले आज प्राप्त उपलब्धिमाथि प्रहार गरिएको टिप्पणी गरिन्। जनताको आवाज सुन्ने थलो प्रतिनिधि सभा दुई–दुई पटक विघटन भएको र अहिले पनि अवरुद्ध भएकाले यसलाई परास्ट गर्न एक दलले मात्र सम्भव नभएकाले मिलेर जानुपर्ने बताइन्।
प्रतिगामी शक्तिहरुलाई यसै छोड्दा इतिहासले माफ नदिने भन्दै उनले अहिले भएको उपलब्धिलाई कायम राख्दै जानुपर्ने बताइन्। इतिहासले यस्तै प्रकारको दुरदर्शीता माग गरेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
