माओवादी केन्द्रमा स्थायी समितिको व्यवस्थापन गर्न सहज हुने गरी १५ पदाधिकारीको प्रस्ताव

महाधिवेशन विशेष

नेपाल लाइभ आइतबार, पुस ११, २०७८ १२:४९

काठमाडौं- नेकपा (माओवादी केन्द्र)को केन्द्रीय समितिले १५ जना पदाधिकारी रहने प्रस्ताव गरेको छ। सो प्रस्ताव महाधिवेशनमा पेस गरिने प्रवक्ता कृष्णबहादुर महराले जानकारी दिए।

माओवादी केन्द्रका स्थायी समिति सदस्यहरुलाई व्यवस्थापन गर्न सहज हुनेगरी १५ जना नै पदाधिकारी रहने खालको प्रस्ताव ल्याइएको आकलन गरिएको छ।

नेकपा (एमाले)सँग एकताको बेलामा माओवादी केन्द्रका तर्फबाट १९ जना स्थायी समिति सदस्य राखिएको थियो। जसमा अध्यक्ष पुष्पकमल दाहाल 'प्रचण्ड', नारायणकाजी श्रेष्ठ, रामबहादुर थापा 'बादल', अग्निप्रसाद सापकोटा, गणेश साह, गिरिराजमणि पोखरेल, चक्रपाणि खनाल, जनार्दन शर्मा, टोपबहादुर रायमाझी, देवप्रसाद गुरुङ, देवेन्द्र पौडेल, पम्फा भुसाल, वर्षमान पुन, मणि थापा, मातृकाप्रसाद यादव, लिलामणि पोखरेल, लेखराज भट्ट, शक्तिबहादुर बस्नेत र हरिबोल गजुरेल थिए।

एमालेसँगको एकता भंग भएपछि बादल, रायमाझी, थापा र भट्ट एमालेमै प्रवेश गरेका थिए। अहिले सापकोटा भने सभामुख भएका छन्। त्यसैले यतिबेला माओवादी केन्द्रमा १४ जना स्थायी समिति सदस्य छन्। उनीहरु सबैको पदाधिकारीमै व्यवस्थापन हुनसक्छ।

कुनै एक पद अहिले रिक्त राखेर सभामुख सापकोटा पदमुक्त भएपछि उनलाई जिम्मा दिने विकल्प माओवादीसँग रहन्छ। वा, केन्द्रीय समितिका प्रभावशाली आकांक्षीलाई जिम्मेवारी दिने विकल्प पनि छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आईपीएल : चेन्नईलाई २५ रनले हराउँदै दिल्लीको लगातार तेस्रो जित

एम्बुलेन्सबाट लागुऔषध तस्करी

पञ्चायतसँग गणतन्त्रलाई तुलना गरेर अस्थिरता मच्चाउने अपराधी हुन् : शंकर पोखरेल