माओवादी केन्द्रीय समितिद्वारा राष्ट्रिय सम्मेलनलाई महाधिवेशनमा रुपान्तरण गर्ने प्रस्ताव अनुमोदन

महाधिवेशन विशेष

नेपाल लाइभ आइतबार, पुस ११, २०७८ १२:२२

काठमाडौं- नेकपा माओवादी केन्द्रको केन्द्रीय समिति बैठकले राष्ट्रिय सम्मेलनलाई महाधिवेशनमा रुपान्तरण गर्ने प्रस्ताव अनुमोदन गरेको छ। आइतबार बिहान पार्टी कार्यालय पेरिसडाँडामा बसेको केन्द्रीय समिति बैठकले सो प्रस्ताव अनुमोदन गरेको प्रवक्ता कृष्णबहादुर महराले जानकारी दिए।

'हामीले अहिलेसम्म सम्मेलन भनेका थियौं। हिजो स्थायी कमिटीले एउटा प्रस्ताव पेश गर्‍यो। केन्द्रीय कमिटीले त्यसलाई अनुमोदन गर्‍यो। महाधिवेशनको रुपमा स्वीकार गर्ने निर्णय गर्‍यो। आज हामीले गर्ने भनिएको राष्ट्रिय सम्मेलन राष्ट्रिय महाधिवेशन हुन्छ,' उनले भने।

अहिलेको महाधिवेशन आठौं राष्ट्रिय महाधिवेशन हुने महराले बताए। सो प्रस्ताव सर्वसम्मत रुपमा पारित भएको उनको भनाइ छ। माओवादीले २०६९ सालमा सातौं महाधिवेशन आयोजना गरेको थियो।

यसअघि माओवादीले पहिलो राष्ट्रिय सम्मेलन आयोजना गर्ने निर्णय गरेको थियो। त्यसका लागि देशभरबाट प्रतिनिधि पनि चयन गरेको थियो। तर, शनिबार बसेको स्थायी कमिटीको बैठकले भने राष्ट्रिय सम्मेलनलाई महाधिवेशनमा परिणत गर्ने प्रस्ताव गरेको थियो। जसलाई आइतबारको केन्द्रीय कमिटीले अनुमोदन गरेको हो।

महाधिवेशनको उद्घाटन आइतबार दिउँसो ३ बजे प्रज्ञा प्रतिष्ठानमा सुरु हुँदैछ। 'महाधिवेशन पाँच दिनसम्म जाला। सम्मेलन तीन दिनको भनिएको थियो। महाधिवेशन पाँच दिनसम्म जाला,' महराको भनाइ छ।

महाधिवेशनका लागि नेपाल भित्रका सबै पार्टीहरुलाई खबर गरिएको महराले बताए। कोभिडका कारणले विदेशीहरुलाई निम्ता दिइएको छैन। महाधिवेशनको लागि सबै तयारी सकिएको उनले बताए। सम्मेलनकै लागि तयारी गरिएको र त्यो महाधिवेशनलाई पनि उपयोगी हुने उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आईपीएल : चेन्नईलाई २५ रनले हराउँदै दिल्लीको लगातार तेस्रो जित

एम्बुलेन्सबाट लागुऔषध तस्करी

पञ्चायतसँग गणतन्त्रलाई तुलना गरेर अस्थिरता मच्चाउने अपराधी हुन् : शंकर पोखरेल