काठमाडौं– नेपाली कांग्रेसको १४औं महाधिवेशनबाट निर्वाचित केन्द्रीय समितिका पदाधिकारी तथा सदस्यहरुले शनिबार प्रमाणपत्र पाउने भएका छन्। शनिबार बिहान ११ बजे नवनिर्वाचित पदाधिकारी र केन्द्रीय सदस्यहरुलाई प्रमाणपत्र वितरण गर्ने कार्यक्रम राखिएको छ।
केन्द्रीय समितिका पदाधिकारी र सदस्यहरुलाई प्रमाणपत्र वितरण गरिएपछि शनिबार नै केन्द्रीय समितिको बैठक समेत बस्ने छ। महाधिवेशनबाट निर्वाचित भएका केन्द्रीय समितिका पदाधिकारी र सदस्यमध्ये धेरै नयाँ अनुहार छन्। समावेशिताको कारणले पनि केन्द्रीय सदस्यमा नयाँ अनुहारको प्रवेश सहज भएको हो।
यी हुन् कांग्रेस केन्द्रीय समितिको बैठकमा नयाँ अनुहार:
खुला केन्द्रीय सदस्य तर्फ– रामहरि खतिवडा, जीतजंग बस्नेत, नैनसिंह महर, कुन्दनराज काफ्ले, राजीव ढुंगाना, गुरु बराल, सञ्जयकुमार गौतम, गोविन्दराज पोखरेल, मदनबहादुर अमात्य, अजयबाबु शिवाकोटी, गणेश लामा, दिनेश कोइराला, उमेशजंग रायमाझी, मोहन आचार्य
महिला खुलातर्फ –आरजु राणा देउवा, रमा कोइराला पौडेल, सुशीला ढकाल आचार्य, रंगमती शाही
आदिवासी जनजातितर्फ– उमेश श्रेष्ठ, दिलमान पाख्रिन, आङ्गेलु शेर्पा, तारामान गुरुङ, टेकप्रसाद गुरुङ, सीता गुरुङ, अन्जनी श्रेष्ठ, सरस्वती बजीमय, गंगालक्ष्मी अवाल, माया राई, सीता राना, सुशीला थिङ
खसआर्य तर्फ– गोविन्दबहादुर शाह, भीम पराजुली, मधु आचार्य, नारायणबहादुर कार्की, गेहेन्द्र गिरी, मञ्जु खाण, प्रतिमा गौतम, नानु बाँस्तोला, कान्तिका सेजुवाल, चम्पादेवी खड्का, विद्यादेवी तिमिल्सिना
दलिततर्फ (महिलासहित)– मानबहादुर नेपाली, प्रकाश रसाइली ‘स्नेही’, हरिशरण नेपाली, नृपबहादुर वड, मैकुलाल बाल्मीकी, शान्ति परियार विक र रुपा विक
मधेसीतर्फ– चन्द्रमोहन यादव, महेन्द्रकुमार राय, विनोदकुमार चौधरी, दिनेशकुमार यादव, नागिना यादव, मञ्जुकुमारी यादव, मिनाक्षी झा र मुक्ताकुमारी यादव
थारूतर्फ– कल्पना चौधरी, जीवन राना
मुस्लिमतर्फ– अब्दुल रज्जाक, अब्दुल सतार, जवेदा खातुन
अल्पंख्यकतर्फ– प्रदीपकुमार सुनुवार,
अपाङ्गतातर्फ– मदनकृष्ण श्रेष्ठ
पिछडिएको क्षेत्रतर्फ– अर्जुनबहादुर सिंह
प्रत्येक प्रदेशबाट एक महिलासहित तीन केन्द्रीय निर्वाचित हुने प्रावधानअनुसार चयन भएका अधिकांश नयाँ केन्द्रीय सदस्य छन्। प्रदेश १ बाट राजीव कोइराला र महेन्द्रकुमारी लिम्बु तथा बागमती प्रदेशबाट विजयी राजेन्द्रकुमार केसी र उर्मिला नेपाल पहिलोपटक केन्द्रीय सदस्यमा निर्वाचित भएका हुन्।
गण्डकी प्रदेशबाट विजयी हुने सरस्वती अर्याल तिवारी, लुम्बिनीबाट चन्द्रबहादुर केसी र शिला शर्मा खड्का पनि कांग्रेस केन्द्रीय समितिका लागि 'नयाँ अनुहार' हुन्।
कर्णाली प्रदेशबाट निर्वाचित हुने राजीवविक्रम शाह, कर्णबहादुर बुढा र जानकी सिंह तथा सुदूरपश्चिम प्रदेशबाट निर्वाचित हुने यज्ञराज जोशी, रणबहादुर रावल र सुशीला मिश्र भट्ट पनि पहिलोपटक केन्द्रीय समिति बैठकमा सहभागी हुँदैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
