काठमाडौं- भारत सरकारले एक करोड पुरस्कार तोकेका एक शीर्ष नक्सलवादी नेता र उनकी पत्नी पक्राउ परेका छन्।
भारतीय सञ्चारमाध्यका अनुसार प्रशान्त बोस उर्फ किशन दा र उनकी पत्नी शीला मरांडीलाई झारखण्ड प्रहरीले पक्राउ गरेको हो।
झारखण्डका प्रहरी महानिर्देशक (डीजीपी) नीरज सिन्हाले आइतबार पत्रकार सम्मेलनमा प्रशान्त बोसले सोधपुछका क्रममा धेरै महत्त्वपूर्ण जानकारी दिएको बताए।
‘हामीले नक्सलवादी प्रशान्त बोस र उनकी पत्नी शीला मरांडीलाई पक्राउ गरेका छौं। यस क्षेत्रमा पोलिटब्युरो सदस्यको यो पहिलो गिरफ्तारी हो,’ उनले भने,‘उनीहरूसँगै अन्य दुई नक्सलवादी पनि पक्राउ परेका छन्, जुन पूर्वी क्षेत्रमा दोस्रो हो। पोलिटब्युरो सदस्य मिहिर बसराका अंगरक्षक हुन्।’
अनुसार यी सबै नक्सलवादीको महाअधिवेशनमा सहभागी हुन गइरहेका थिए। यसको सूचना पाएपछि प्रहरीले उनीहरुलाई पक्राउ गरेको डीजीपी सिन्हाले जानकारी दिए।
‘हामीले उनीहरूलाई बिना हिंसा पक्राउ गर्यौं। यो प्रहरीका लागि ठूलो उपलब्धि हो,’ उनले भने।
डीजीपी सिन्हाले यसअघि शंकाको आधारमा केही व्यक्तिलाई नियन्त्रणमा लिएको र उनीहरुको परिचय खुल्न बाँकी रहेको जानकारी दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
