काठमाडौं- रुसले भारतलाई एयर डिफेन्स मिसाइल सिस्टम एस-४०० आपूर्ति गर्न थालेको छ। रुसी सैन्य सहयोग एजेन्सीका प्रमुख दिमित्री शुगायेभलाई उद्धृत गर्दै रुसी समाचार एजेन्सीहरूले आइतबार यो जानकारी दिएका हुन्।
वायु रक्षा क्षेप्यास्त्र प्रणालीको आपूर्ति सुरु भएसँगै भारत अहिले अमेरिकी प्रतिबन्धको चपेटामा परेको छ। वास्तवमा, २०१७ मा अमेरिकाले विश्वलाई रूसको सैन्य उपकरण किन्नबाट रोक्नको लागि एक कानुन बनाएको थियो।
शुगायेभले एस–४०० प्रणालीको पहिलो युनिट यसै वर्षको अन्त्यसम्ममा भारत पुग्ने बताए। पाँच लामो दूरीको सतहबाट हावामा मार हान्न सक्ने क्षेप्यास्त्रहरूको यो प्रणाली किन्नको लागि २०१८ मा ५।५ बिलियन डलरको सम्झौता भएको थियो।
यस सम्झौताका सम्बन्धमा भारतले चीनको खतराको सामना गर्न यो आवश्यक रहेको बताउँदै आएको छ। अमेरिकी प्रतिबन्धको खतरा बढ्दै गएपछि भारतले सीएएटीएसए नामक कानुन अन्तर्गत अमेरिकाबाट धेरै आर्थिक प्रतिबन्धको सामना गर्नुपर्ने हुनसक्छ। यस कानुनका रुस, उत्तर कोरिया र इरान अमेरिकाका विरोधी हुन् ।
युक्रेनविरुद्ध कारबाही गर्ने, २०१६ को अमेरिकी चुनावमा हस्तक्षेप गर्ने र सिरियालाई सहयोग गरेकोमा अमेरिकाले रुसलाई आफ्नो शत्रुको रूपमा हेर्छ। तर, भारतले अमेरिका र रुस दुवै आफ्नो रणनीतिक साझेदार भएको बताउँदै आएको छ।
तर, अमेरिकाले भारतलाई सीएएटीएसएबाट छुट पाउने सम्भावना नरहेको बताएको छ। अमेरिकाले गत वर्ष नेटोको सहयोगी टर्कीमाथि पनि यही कानूनअन्तर्गत प्रतिबन्ध लगाएको थियो। टर्कीले रुसबाट एस-४०० मिसाइल प्रणाली पनि किनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
