काठमाडौं- म्यानमारसँग सीमा जोडिएको भारतको मणिपुरमा विद्रोही समूहले थापेको धरापमा परी उच्च सैनिक अधिकारीसहित ७ जनाको मृत्यु भएको छ।
चुराचन्दपुर जिल्लामा थापिएको धरापमा परी सेनाका कर्नेल, उनकी श्रीमती, छोरा र अन्य ४ सैनिक जवान गरी ७ जनाको मृत्यु भएको भारतीय समाचार माध्यमले जनाएका छन्।
शनिबार बिहान विद्रोहीले थापेको धरापमा सुरक्षाकर्मी चढेको गाडी पर्दा ४६ आसाम राइफल्सका कमान्डिङ अफिसर कर्नेल विप्लब त्रिपाठीसहित ७ जना मारिएका हुन्।
फरवार्ड क्याम्प गएर फर्किने क्रममा त्रिपाठी चढेको गाडी शनिबार बिहान १० बजेतिर चुराचन्दपुरको धरापमा परेको बताइन्छ।
हालसम्म उक्त घटनाको कुनै समूहले जिम्मा लिएका छैनन्। तर, मणिपुरमा सक्रिय जनमुक्ति सेनाले धराप थापेको हुन सक्ने आकलन गरिएको छ।
मणिपुरसहित भारतका उत्तर-पूर्वी राज्यमा थप स्वायत्तता वा छुट्टै राज्य माग्दै आएका विभिन्न सशस्त्र समूह सक्रिय छन्। यसअघि २०१५ मा सेनामाथि मणिपुरका विद्रोहीले हमला गर्दा २० सैनिकको मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
