काठमाडौं- बेलारुसका नेताले बढ्दो आप्रवासी सङ्कटका कारण देशको पश्चिमी सीमामा कुनै प्रतिबन्ध लगाएमा युरोपमा ग्यास आपूर्ति बन्द गर्ने चेतावनी दिएका छन्।
इराक, सिरिया र यमनका हजारौं आप्रवासीहरू चिसोमा बेलारुससँगको पोल्याण्डको सीमानामा जम्मा भइरहेका छन्, युरोपेली संघ (ईयू)का देशहरू जाने आशामा।
यसैबीच, संयुक्त राष्ट्र सुरक्षा परिषद्का युरोपेली सदस्यहरूले आप्रवासी संकटको लागि बेलारुसको आलोचना गरेका छन्।
बेलारुसले युरोपेली संघको सिमाना अस्थिर गर्न र उनीहरूमाथि लगाइएका मानवअधिकार हननका आरोपहरूबाट ध्यान हटाउन जानाजानी ठूलो संख्यामा आप्रवासीहरूलाई युनियन सदस्य राष्ट्रहरूको सिमानामा पठाएको आरोप लगाएका छन्।
युनियनका अधिकारीहरूले भनेका छन्,‘बेलारुसले संकटलाई बढाएर आफ्नो सुरक्षालाई खतरामा पारेको छ।’
युनियनले बेलारुसमाथि प्रतिबन्ध लगाउने तयारी गरिरहेको छ। युनियनले सोमबारसम्म बेलारुसमाथि नयाँ प्रतिबन्ध लगाउन सक्ने जनाइएको छ।
यससँगै आप्रवासी बोकेका अन्तर्राष्ट्रिय उडानहरूलाई बेलारुसको राजधानी मिन्स्कको विमानस्थलमा रोकिन प्रतिबन्ध लगाउन सकिने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
