काठमाडौं- भारतको हैदरावादस्थित बायोटेक कम्पनीले आफूले उत्पादन गरेको कोरोनाविरुद्धको खोप ७७.८ प्रतिशत प्रभावकारी देखिएको दाबी गरेको छ।
शुक्रबार भारत बायोटेकले आफूले उत्पादन गरेको कोरोनाविरुद्धको खोप ‘कोभ्याक्सिन’ प्रभावकारी देखिएको जानकारी गराएको हो।
लान्सेटद्वारा गरिएको ‘पियर रिभ्यू’ले लक्षणयुक्त कोरोनाविरुद्ध कोभ्याक्सिन ७७.८ प्रतिशत प्रभावकारी देखिएको पुष्टि भएको कम्पनीले बताएको छ।
‘प्रभावकारितासम्बन्धी विश्लेषणले २५ जना खोप समूहका र १०६ जना प्लेसिबो समूहअन्तर्गत पुष्टि भएका १३० संक्रमितको मूल्याङ्कनमार्फत् सामान्य लक्षणसहितको कोरोना संक्रमणविरुद्ध कोभ्याक्सिन ७७.८ प्रतिशत प्रभावकारी देखाएको छ’, लान्सेटको अध्ययनलाई उदृत गर्दै भारत बायोटेकले जारी गरेको विज्ञप्तिमा भनिएको छ।
यसबाहेक गम्भीर लक्षणसहितको कोरोनाविरुद्ध कोभ्याक्सिन ९३.४ प्रतिशत प्रभावकारी हुने कम्पनीले जारी गरेको विज्ञप्तिमा उल्लेख छ।
त्यस्तै, कोभ्याक्सिन तेस्रो चरणको परीक्षणबाट डेल्टा भेरियन्टविरुद्ध ६५.२ प्रतिशत प्रभावकारी देखिएको पहिलो कोरोनाविरुद्धको खोप भएको पनि कम्पनीको दाबी छ।
खोपको साइड इफेक्टसम्बन्धी विश्लेषणबाट देखिएका गम्भीर असर प्लेसिबोका जस्तै भएको र १२ प्रतिशतमा मात्रै सामान्य साइड इफेक्ट देखा परेको कम्पनीले बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
