काठमाडौं- अफगानिस्तानको नान्गाहार प्रान्तको अचिन जिल्लामा शुक्रबार प्रार्थनाको समयमा विष्फोट भएको छ।
यस विष्फोटको बारेमा अहिलेसम्म आधिकारिक जानकारी दिएको आइसकेको छैन। तर, केही व्यक्तिलाई भने प्रहरीले नियन्त्रणमा लिएको बताइएको छ।
अफगानिस्तानको यो क्षेत्र खोरासानमा इस्लामिक स्टेटको मुख्यालय थियो। अस्पतालमा रहेका एक व्यक्तिले एएफपी समाचार एजेन्सीलाई भने,‘आक्रमणमा कम्तीमा तीन जनाको मृत्यु भएको छ भने अन्य १५ जना घाइते भएका छन्।’
तालिबानका एक अधिकारीले पनि यस घटनाको पुष्टि गरेका छन्। ‘शुक्रबार प्रार्थनाको समयमा विस्फोट भएको हो। विस्फोटमा धेरै हताहत भएको छ,’ उनले एएफपीसँग भने।
अस्पतालका चिकित्सकले पनि तीन जनाको मृत्यु भएको पुष्टि गरेका छन्। इस्लामिक स्टेट अफगानिस्तान शाखाले हालैका धेरै घातक हमलाहरूको जिम्मेवारी लिएको छ।
यसअघि काबुलको सैनिक अस्पतालमा भएको यो घटनामा ५० भन्दा बढी व्यक्तिको मृत्यु भएको थियो।
हालका अफगानिस्तानमा शुक्रबार प्रार्थनाको लागि मस्जिदहरूमा भेला भएका मानिसहरूलाई कान्दाहार र कुन्दुजमा पनि निशाना बनाइएको छ।
अक्टोबर ८ मा कुन्दुज सहरको मस्जिदमा आत्मघाती बम विष्फोट हुँदा कम्तीमा ५० जनाको मृत्यु भएको थियो। अमेरिकी सेनाले देश छोडेपछिको यो सबैभन्दा ठूलो आक्रमण हो।
यसपछि कान्दाहार प्रान्तको एक मस्जिदमा भएको भीषण बम विस्फोटमा कम्तीमा ३७ जनाको मृत्यु भएको थियो। सहरको बीबी फातिमा मस्जिदमा विस्फोट भएको हो। प्रत्यक्षदर्शीका अनुसार तीनवटा श्रृंखलाबद्ध विष्फोट भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
