काठमाडौं- चिनियाँ कम्युनिस्ट पार्टीले राजनीतिक इतिहासमा राष्ट्रपति सी चिनफिङलाई शक्तिशाली बनाउँदै एक 'ऐतिहासिक प्रस्ताव' पारित गरेको छ।
यस दस्तावेजमा पार्टीको पछिल्लो १ सय वर्षको इतिहासको सारांशका साथ पार्टीका प्रमुख उपलब्धि र भविष्यको दिशाबारे चर्चा गरिएको छ।
कम्युनिस्ट पार्टीको स्थापनापछि यो तेस्रो प्रस्ताव हो। सबैभन्दा पहिलो प्रस्ताव १९४५ मा माओत्से तुङले र दोस्रो प्रस्ताव देंङ शियाओपिङले १९८१ मा पारित गरेका थिए।
वर्तमान प्रस्तावलाई बिहीबार पार्टीको छैठौं महाधिवेशनबाट पारित गरिएको हो। यस अधिवेशनलाई चीनको समबेभन्दा महत्वपूर्ण राजनीतिक बैठक मध्ये एक मानिन्छ।
यो प्रस्ताव पारित गर्नुको उदेश्य सीलाई पार्टीका संस्थापक माओ र उनका उत्तराधिकारी देंग शियाओपिङको बराबरीमा उभ्याएको बीबीसीले जनाएको छ।
यो प्रस्ताव देङ शियाओपिङको समयबाट चीनद्वारा शुरू गरिएको विकेन्द्रीकरणको प्रयासलाई फिर्ता लिने प्रयासको रुपमा केहीले हेरेका छन्।
पछिल्लो करिब चार दशकमा देशमा विकेन्द्रीकरणको प्रयास भइरहेको छ। ताजा घटनाक्रमपछि चीनको राजनीति फेरि एक व्यक्तिको आसपास घुम्ने संकेत देखिएको छ।
आगामी वर्ष हुन लागेको राष्ट्रिय कांग्रेस भन्दा पहिला पार्टीका नेताहरुको यो अन्तिम ठूलो बैठक थियो। र आशा गरिएको छ कि उक्त कांग्रेसमा सीले राष्ट्रपतिको रूपमा आफ्नो तेस्रो ऐतिहासिक कार्यकाल पाउने प्रयास गर्नेछन्।
यसअघि चीनले २०१८ मा राष्ट्रपति पदका लागि दुई कार्यकालको सीमा हटाएको थियो। यसले सी आजीवन पदमा रहन सक्ने जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
