काठमाडौं- नोबेल शान्ति पुरस्कार विजेता मलाला युसुफजईले बेलायतको बर्मिंघम शहरमा विवाह गरेकी छन्। २४ वर्षीया मलालाले असर मलिकसँग विवाह गरेकी छन् र आफ्नो विवाहलाई 'जीवनको एक मूल्यवान दिन' बताएकी छन्।
पाकिस्तानकी चर्चित महिला अधिकारकर्मीलाई तालिबान चरमपन्थीले २०१२ मा टाउकोमा गोली हानेका थिए। त्यसपछि उपचारका लागि उनलाई बर्मिंघम लगिएको थियो। त्यसयता उनी त्यही बसिरहेकी छन्।
मलाला माथि तालिबानले पाकिस्तानको खैबर पख्नख्वाह प्रान्तको स्वातमा ९ अक्टोबर २०१२ मा आक्रमण गरेका थिए। मलाला त्यतिबेला १५ वर्षकी थिइन् र किशोरीलाई शिक्षाको अधिकार दिने विषयमा आवाज उठाइरहेकी थिइन्।
मलालाले आफ्नो विवाहको जानकारी स्वयं ट्विटरबाट दिएकी छिन्। उनले लेखेकी छन् "असर र मैले जीवनसाथी बन्नका लागि बन्धन बाँधेका छौं।"
उनले मंगलबार दिएको जानकारी अनुसार दुबैले "परिवारका साथ एक सानो समारोहमा" विवाह गरेका छन्। मलालाको विवाहको ट्वीटमा लाखौं प्रशंसकले लाइक र हजारौंले शुभकामना दिएका छन्।
मलाला क्रिकेट खेलको ठूलो प्रशंसक हुन् र कयौं पटकको अन्तर्वार्तामा उनले यसबारे भनेकी छन्।
संयोग बस उनका पति असर मलिकको पनि क्रिकेटसँग नजिकको सम्बन्ध रहेको छ। उनी पाकिस्तान क्रिकेट बोर्डका नेशनल हाई परफर्मेन्स सेन्टरमा जेनरल म्यानेजर (जीएम) छन्। असर मलिकले लाहोरको प्रतिष्ठित ऐचिन्सन कलेजबाट डिग्री लिएपछि लाहोर यूनिभर्सिटीमा म्यानेजमेन्ट पढेका थिए।
पीसीबीमा जानुअघि उनी पाकिस्तान सुपर लीगको टीम मुल्तान सुल्तान्ससँग जोडिएका थिए।
पीसीबीले गत वर्ष पाकिस्तानमा क्रिकेटको विकासका लागि नेशनल हाई पर्फर्मेन्स सेन्टरको गठन गरेको थियो। पूर्व टेस्ट क्रिकेटर र स्पिनर नदीम खानलाई यसको निर्देशक बनाइएको छ।
स्पिनर सकलैन मुश्ताकलाई केन्द्रमा इन्टरनेशनल प्लेयर डेवलपमेन्टको प्रमुख बनाइएको छ भने न्युजिल्याण्डका पूर्व क्रिकेटर ग्राण्ड ब्रेडबर्नलाई फिल्डिङ कोच बनाइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
