काठमाडौं- चीनले मरुभूमिमा अमेरिकी युद्धपोतको नक्कली आकृति बनाएर अभ्यास गरिरहेको पाइएको छ। स्याटेलाइट तस्बिरबाट चीनले आफ्नो उत्तर पश्चिम शिन्जियाङ प्रान्तमा अमेरिकी युद्धपोतको नक्कली आकृति बनाएर अभ्यास गरिरहेको पाइएको बीबीसीले जनाएको छ।
अमेरिकी स्पेस टेक्नोलोजी कम्पनी म्याक्सरले पाएको एक तस्बिरमा रेल ट्र्याकमा युद्धपोत जस्तो आकृति राखिएको पाइएको हो। अमेरिकी नौसेनाको विशेषज्ञ एक वेबसाइट यूएसएनआईले यो आकृति सेनाद्वारा बनाइएको एक लक्ष्य भएको बताउँछ।
चीन केही वर्षयता एन्टी-शिप ब्यालेस्टिक मिसाइलको विकसित गर्दै त्यसको परीक्षण गरिरहेको छ।
अमेरिकाले हालसालकै महिनामा दक्षिण चीन सागरमा तनाब बढ्दै जाँदा चीन परमाणुसहित सैन्य क्षमता बढाउन लागेको भन्दै चेतावनी दिएको थियो। तस्बिरमा अमेरिकी नौसेनाको कम्तिमा पनि दुई युद्धपोतको नक्कली आकृति बनाइएको पाइएको जनाइएको छ।
यस वर्षको शुरुआतमा चीनले परमाणु क्षमता भएको हाइपरसोनिक मिसाइलको परीक्षण गरेको र जो माथिल्लो वायुमण्डलमा ध्वनिको गति भन्दा पाँच गुणा तिब्रगतिमा जान सक्ने आशंका व्यक्त गरिएको थियो। तर यसलाई चीनले अस्वीकार गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
