काठमाडौं- नाङ्गो खुट्टा। पारम्परिक धोती। खेतबाट राष्ट्रपति भवनसम्म सम्मान लिनका लागि यात्रा।
तुलसी गौडा पर्यावरणका विषयमा काम गर्छिन्। ७७ वर्षीया उनी भारत कर्नाटककी हुन्। तुलसी गौडालाई भारतको उच्च सम्मान पद्मश्री पुरस्कार दिइएको छ।
जब उनी सम्मान लिनका लागि भारतीय राष्ट्रपतिको कार्यालय पुगिन् त्यतिबेला उनको खुट्टामा चप्पलसमेत थिएन। भारतीय प्रधानमन्त्री नरेन्द्र मोदी र अमित शाहसँग उनको भेट भयो। त्यतिबेला दुई दिग्गज नेताले उनको उपलब्धिको सम्मान गर्दै नमस्कार गरे। जुन तस्बिर यतिबेला सामाजिक सञ्जालमा चर्चामा रहेको छ।
कर्नाटकमा हलक्की जनजातिसँग सम्बन्ध राख्ने गौडाको जन्म एक गरीब परिवारमा भएको थियो।
केही मानिस तुलसीलाई 'जंगलकी इन्साइक्लोपीडिया' पनि भन्छन्। कारण हो बोट बिरुवा र जंगलको यथेष्ठ जानकारी।
बिगत ६ दशकदेखि सक्रिय तुलसीले ३० हजार भन्दा धेरै बोटबिरुवा लगाइसकेकी छन्।
केही मिडिया रिपोर्टहरुका अनुसार जब तुलसी दुई वर्षकी थिइन् तब उनका पिताको मृत्यु भयो। आमाका साथ नर्सरीमा बोटविरुवासँग जोडिएको कामको सुरुआत भयो र ७० वर्षको उमेरमा पनि जारी छ।
यस्तो बेलामा जब विश्व जोगाउनका लागि विश्वका नेता एक जुट भइरहेका छन् र त्यतिबेला भारतको एक गाउँकी तुलसीले सम्मान पाएकी छन्। मंगलबार भारतीय राष्ट्रपति भवनमा पद्मश्री पुरस्कार वितरण गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
