काठमाडौं- भारतको जम्मू–कश्मिरमा गत सोमबारदेखि सेना र अतिवादी समूहबीच भइरहेको लडाइँमा २२ जनाको मृत्यु भएको छ।
मारिएकामा भारतीय सेनाका ९ जना छन्। मुठभेडका क्रममा अतिवादी समूहका १३ जनालाई मारिएको भारतीय सेनाले दाबी गरेको छ।
भारतीय सेनाले गत सोमबार सरनकोटको एक गाउँबाट आतंकवादी समूहविरुद्ध अपरेसन सुरु गरेको थियो। अपरेसनको पहिलो दिनमै सेनाका एकजना जुनियर अफिसरसहित ५ जना मारिएको भारतीय सञ्चारमाध्यमहरुले जनाएका छन्। सेनाको अभियानको दोस्रो दिनपछि थप दुई जवान मारिएको बताइएको छ।
अहिले पनि सेना र आतंकवादी समूहबीच पुन्छ र राजौरीको घनामा लडाइँ चलिरहेको छ। यसबीच कस्मिरको कुलमागमा आइतबार गोली हानेर दुई जना गैरकस्मिरी नागरिकको हत्या भएको समाचारमा उल्लेख छ।
आतंकवादीद्वारा उत्तर प्रदेशको सहरानपुरका सगिर अहमद र बिहारको बाँका क्षेत्रका अरविन्दकुमार साह मारिएका थिए।
त्यसअघि शनिबार पनि आतंकवादीले दुई जना मजदुरको हत्या गरेका थिए। यसपछि भारतीय सुरक्षा बलले थालेको अपरेसन अभियानका क्रममा १३ जना आतंकवादी मारिएको दाबी गरिएको छ।
जम्मू–कश्मिरका पूर्वगभर्नर सत्यपाल मलिकले आफ्नो कार्यकालमा कश्मीरको अवस्था नभएको बताएका छन्। मलिक हाल मेघालयका गभर्नर हुन्।
मलिकले पत्रकारहरुलाई भने, ‘जब म गभर्नर थिएँ, केहि भइरहेको थिएन। आतंकवादीहरु श्रीनगरको ५० किलोमिटरको दायरा भित्र पस्ने साहस गर्दैन्थे। अहिले उनीहरुलाई शहरमा खुलेआम मारिरहेका छन्।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764394221.png)
-1764146706.png)
-1763721444.png)
-1763559424.jpg)
-1764080971.png)
