काठमाडौं- चीनले परमाणु क्षमताले सुसज्जित नयाँ हाइपरसोनिक मिसाइल परीक्षण गरेको छ। बेलायती अखबार फाइनान्सियल टाइम्सका अनुसार यो मिसाइल अन्तरिक्षबाट नै परीक्षण गरिएको हो।
चीनले अगस्टमा यो मिसाइल परीक्षण गरेको बताइएको छ। तर, कसैले यसको बारेमा सुनेको थिएन। अमेरिकाको कंग्रेसनल रिसर्च सेन्टर (सीआरएस) का अनुसार चीन आक्रामक रूपमा हाइपरसोनिक प्रविधिको विकास गरिरहेको छ।
अमेरिकाको रक्षा मन्त्रालयले यस रिपोर्टबारे कुनै टिप्पणी गरेको छैन। चीनबाहेक अमेरिका, रुस, उत्तर कोरियालगायत कम्तीमा चार देशहरु हाइपरसोनिक टेक्नोलोजीमा काम गरिरहेका छन्।
ब्यालिस्टिक मिसाइलहरु जस्तै हाइपरसोनिक पनि परमाणु हतियार बोक्न सक्षम छन्। यो मिसाइल ध्वनीको गतिभन्दा पाँच गुणा उड्न सक्छन्।
हाइपरसोनिक मिसाइल ब्यालिस्टिकभन्दा छिटो निशानामा प्रहार गर्नसक्छ। यति मात्र हैन ट्रयाक गर्न र हाइपरसोनिक मिसाइलहरुबाट बच्न धेरै गाह्रो छ।
अमेरिकाजस्ता केही देशले ब्यालिस्टिक र क्रूज मिसाइलविरुद्ध रक्षात्मक प्रणाली विकसित गरिसकेका छन्। तर, हाइपरसोनिक मिसाइललाई ट्रयाक गर्ने र यिनीहरूलाई ध्वस्त पार्ने क्षमताबारे केही भन्न सक्ने अवस्था छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764394221.png)
-1764146706.png)
-1763721444.png)
-1763559424.jpg)
-1764080971.png)
