काठमाडौं- भारतको दक्षिणी राज्य केरलामा लगातार वर्षा र बाढीका कारण कम्तीमा २७ जनाको मृत्यु भएको छ। घटनामा अन्य ८ जना बेपत्ता भएका छन्।
भारतीय सञ्चारमाध्यमका अनुसार मृत्यु हुनेमा ५ जना बालबालिका छन्। धेरै मानिस हराइरहेकाले मृत्यु हुनेको संख्या बढ्न सक्ने बताइएको छ।
बाढीले केरलाको कोटायाम जिल्लाका केही घर बगाएको छ। सामाजिक सञ्जालमा आएका केही भिडियोमा पानीमा डुबेको बसबाट यात्रुको उद्धार भइरहेको देखिएको छ।
बाढीको कारण कोटायम र इडुक्की जिल्ला सबैभन्दा धेरै प्रभावित भएको समाचारमा उल्लेख छ। अविरल वर्षाको कारण केही स्थानमा पहिरो पनि गएको छ।
बढ्दो सहरीकरण र अतिक्रमणको कारण यो राज्यको सुरक्षाको रुपमा रहेका धेरै तालतलाउ तथा सीमसार क्षेत्र मासिएका छन्।
सन् २०१८ मा केरलामा आएको बाढीको कारण चारसयभन्दा धेरैको मृत्यु भएको थियो। उक्त घटनाम १० लाखभन्दा धेरै मानिस विस्थापित भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764394221.png)
-1764146706.png)
-1763721444.png)
-1763559424.jpg)
-1764080971.png)
