काठमाडौं– चीनले विश्वकै चर्चित कुरान एपलाई एप स्टोरबाट हटाएको छ। चिनियाँ नियामक अधिकारीहरूको निर्देशनमा एप्पलले आफ्नो एप स्टोरबाट कुरान एप हटाएको हो।
विश्वभर साढे ३ करोडभन्दा बढी प्रयोगकर्ता रहेको ’कुरान मजिद’ एप मुस्लिम समुदायका नागरिकहरूले प्रयोग गर्ने गरेका छन्। विश्वभर चर्चित इस्लाम धर्मका सामग्रीहरू रहेको यो एप चीनमा भने एप स्टोरबाट हटाइएको बीबीसीले जनाएको छ।
चीनमा समेत यो एपका झन्डै एक करोड प्रयोगकर्ता रहेको एप निर्माता कम्पनी पीडीएमएसले बताएको छ। एप हटाइएको
विषयमा कम्पनीले चिनियाँ साइबर स्पेस प्रशासन र सरोकारवाला अधिकारीसँग छलफल गरिरहेको बताएको छ।
चीनले मुस्लिम धर्मलाई मान्यता दिए पनि चीनले उइगर मुस्लिम समुदायमाथि उत्पीडन गरिरहेको आरोप लाग्दै आएको छ। एप्पलका लागि चीन एक ठुलो बजार हो।
चिनियाँ अधिकारीहरूले के कुराको निहुँमा कुरान मजिद एप एप स्टोरबाट हटाउन लगाएको हो भन्ने कुराको भने जानकारी हुन सकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764394221.png)
-1764146706.png)
-1763721444.png)
-1763559424.jpg)
-1764080971.png)
