काठमाडौं– कन्जरभेटिभ सांसद सर डेभिड अमेसको बेलायतको एसेक्समा चक्कु आक्रमणबाट मृत्यु भएको छ। उनलाई एक चर्चमा आक्रमण गरिएको थियो। प्रहरीले घटनामा संदिग्ध एक जनालाई पक्राउसमेत गरेको छ।
संदिग्धबाट चक्कु बरामद भएको प्रहरीको भनाइ छ। साउथेन्ड वेस्टका सांसद सर डेभिड निर्वाचन क्षेत्रको एक बैठकमा सहभागी भएको बेला चक्कु प्रहार भएको बीबीसीमा उल्लेख छ।
चक्कु प्रहारको घटनाको जानकारी पाएलगत्तै प्रहरी घटनास्थलमा पुगेको थियो। तर प्रहरी पुग्नुभन्दा पहिले नै सर डेभिडको घटनास्थलमै मृत्यु भएको थियो।
बेलायतकी पूर्व प्रधानमन्त्री थेरेसा मेले एम्सको मृत्युमा ट्वीट गरेर दुःख व्यक्त गरेकी छिन्।
उनले लेखेका छन्, ‘सर डेभिड एम्सको मृत्युको खबर सुनेर गहिरो स्तब्ध भयो। उहाँ एक सभ्य र सम्मानित सांसद हुनुहुन्थ्यो। उहाँ आफ्नै जनताको बीचमा आफ्नो कर्तव्य निर्वाह गर्दै गर्दा मर्नुभयो।’
बेलायतका शिक्षा मन्त्री नदीम जाहवीले ट्विटरमा लेखेका छन्, ‘शान्तिमा बस्नुहोस् सर डेभिड।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764394221.png)
-1764146706.png)
-1763721444.png)
-1763559424.jpg)
-1764080971.png)
