काठमाडौं- अमेरिकी सैनिक अफगानिस्तानबाट फिर्ता भएपछि र तालिबान सरकार बनेपछि पहिलोपटक तालिबान सरकारका प्रतिनिधि र अमेरिकी अधिकारीबीच भेटवार्ता भएको छ। दोहामा भएको बैठकलाई चासोका साथ हेरिएको छ।
अमेरिकी अधिकारीहरुले तालिबानको अन्तरिम सरकारलाई उनीहरुको कामको आधारमा हेरिने बताउँदै उनीहरुको भनाइलाई महत्व दिन जरुरी नभएको बताएको बीबीसीले उल्लेख गरेको छ।
अमेरिकी विदेश विभागका प्रवक्ता नेड प्राइसले दोहामा भएको वार्ताकाबीचमा अमेरिकी अधिकारीहरुले सुरक्षा र आतंकवादसँग जोडिएको चिन्ता, अमेरिकी नागरिकको सुरक्षित फिर्ती, अरु देशका नागरिकको सुरक्षा, अफगानिस्तानका मानिसको सुरक्षा र महिलाहरुको सार्थक सहभागिता जस्ता कतिपय मानवाधिकारका मुद्दामा ध्यान आकर्षित गर्ने प्रयास गरेको जनाएका छन्।
दुवै पक्षले अफगानि नागरिकका लागि अमेरिकी मानवीय सहयाताको प्रावधानबारे चर्चा गरे।
अमेरिकी विदेश विभागका प्रवक्ता नेड प्राइसले एक विज्ञप्तिमा भनेका छन्, 'यो छलफल स्पष्ट र पेशेवर थियो। यसमा अमेरिकाले फेरि एकपटक तालिबानको शब्द र भनाइको आधारमा भन्दा कामको आधारमा मूल्यांकन गर्नेछ।'
तर, उनले दुई देशका प्रतिनिधिबीच कुन कुन विषयमा सम्भझौता भए भन्नेबारे भने जानकारी दिएनन्।
शनिबार कतारस्थित अल जजिरा टेलिभिनजनले अफगानिस्तानमा तालिबान सरकारका विदेश मन्त्रीलाई उदृत गर्दै बताए अनुसार तालिबानका प्रतिनिधिले अमेरिकासँग अफगान सेन्ट्रल बैंकको प्रतिबन्ध हटाउनका लागि भनेका थिए।
त्यस्तै तालिबानका विदेश मन्त्री अमीर खान मुत्तकीका अनुसार अमेरिकाले अफगानिस्तानी नागरिकका लागि कोरोना भाइरसविरुद्धो खोप उपलब्ध गराउने छ।
दुई देशका प्रतिनिधिकाबीचमा “एक नयाँ अध्याय सुरू” गर्नेबारे चर्चा गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791363924.png)
-1786602170.png)
