नगद लाभांश वितरणमा केन्द्रीय बैंकको अंकुश

अर्थ समाचार

नेपाल लाइभ शुक्रबार, असोज ८, २०७८ ०७:२४

काठमाडौं– नेपाल राष्ट्र बैंकले बैंक तथा वित्तीय संस्थालाई बोनस दिँदा नगद लाभांश वितरणमा कडाइ गरेको छ। साधारणसभा र लाभांश वितरणसम्बन्धी कार्यविधि संशोधन गर्दै राष्ट्र बैंकले नगद वितरणमा कडाइ गरेको हो।

यसअघि केन्द्रीय बैंकले गतवर्ष कार्यविधि जारी गर्दै कोभिड महामारीको जोखिमबाट बैंकहरुलाई जोगाउनका लागि नगद लाभांशमा कडाइ गरेको थियो। उक्त व्यवस्थालाई चालु वर्षका लागि समेत निरन्तरता दिएको हो।

कार्यविधिले ११ प्रतिशत भन्दा बढी पुँजीकोष कामय गर्ने संस्थाहरुले मात्र नगद लाभांश वितरण गर्न पाउने व्यवस्थालाई निरन्तरता दिएको छ। राष्ट्र बैंकले गत वर्ष नै कार्यविधि जारी कार्यविधिमा आर्थिक वर्ष २०७७/७८ को लागि बैंक तथा वित्तीय संस्थाहरुले सो आर्थिक वर्षको खुद वितरणयोग्य मुनाफाको ३० प्रतिशतसम्म मात्र नगद लाभांश घोषणा तथा वितरण गर्न पाउने व्यवस्था छ।

यसैगरी तोकेबमोजिम मासिक औसत व्याजदर अन्तर कायम गर्न नसक्ने बैंक तथा वित्तीय संस्थालाई उक्त आर्थिक वर्षको बोनस सेयरको कर प्रयोजन बाहेकको नगद लाभांश घोषणा तथा वितरण गर्न रोक लगाउने प्रावधान छ।

कार्यविधिले २०७८ भदौ १५ गतेभित्र प्राप्त हुने व्याजबाट समेत लाभांश वितण गर्ने सहुलियत दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए ऊर्जा मन्त्रालयलाई स्पष्टीकरण (पूर्णपाठ)

च्याम्पियन्स ट्रफी फाइनल : न्युजिल्यान्डले दियो भारतलाई रनको २५२ लक्ष्य

बालिका बान्तावाको उपन्यास ‘प्याउली’ को विमोचन