काठमाडौं– सरकारले उद्यमी ब्यवसायी, बैंकरलगायतलाई सम्मान गरेको छ। संविधान दिवसका अवसरमा विभिन्न मानपदवी, अलङ्कार र पदकबाट व्यवसायी सम्मानित भएका हुन्। सम्मानित हुनेमा व्यवसायीका संघसंस्थाका पदाधिकारीदेखि बैंकरसम्म रहेका छन्।
उद्यमी देवीप्रकाश भट्टचन, डा. उपेन्द्र महतो, सुरेन्द्रबीर मालाकार, ध्रुवकुमार श्रेष्ठले सुकीर्तिमय राष्ट्रदीप पाएका छन्। भट्टचन प्रभु समूहका अध्यक्ष हुन् भने डा. महतो गैरआवासीय नेपाली संघका संस्थापक अध्यक्ष हुन्। भट्टचनले प्रभु समूहको नेतृत्व गरेका छन् भने महतोको नेतृत्वमा मेडिसिटी अस्पताल सञ्चालनमा छ। त्यसैगरी, श्रेष्ठ पञ्चकन्या समूहका निर्देशक हुन् भने मालाकार नेपाल चेम्बर अफ कमर्सका पूर्व अध्यक्ष हुन्।
सरकारले सुप्रवल जनसेवाश्रीबाट नेपाल उद्योग वाणिज्य महासंघका अध्यक्ष शेखर गोल्छा, शंकर समूहका प्रबन्ध निर्देशक साहिल अग्रवाल, नेपाल उद्योग परिसंघका अध्यक्ष विष्णुकुमार अग्रवाल, खेतान समूहका राजेन्द्रकुमार खेतान, शारडा समूहका अध्यक्ष शिवरतन शारडालाई सम्मानित गरेको छ।
त्यसैगरी, प्रवल जनसेवाश्रीबाट सनराइज बैंकका अध्यक्ष मोतीलाल दुगड, शर्मा एण्ड शर्मा कम्पनीका रमेश शर्मा, सञ्चयकुमार खेतान, न्यौपाने समूहका अध्यक्ष बिष्णुप्रसाद न्यौपाने, पर्यटन ब्यवसायी राजु ढकाल, नेपाल ग्यासका कार्यकारी निर्देशक गोकुल भण्डारी, ब्यवसायी गोबिन्द गोयन्का, अर्जुनमान सैंजु, नारायण अग्रवाल, सत्यनारायण क्याल, कुञ्ज अग्रवाल सम्मानित भएका छन्।
यससँगै नबिल बैंकका अध्यक्ष उपेन्द्र पौडेल, मेगा बैंककी डेपुटी सीईओ रविना देशराज श्रेष्ठ, एनएलजी इन्स्योरेन्सका प्रमुख कार्यकारी अधिकृत (सीईओ) सुनिलबल्लभ पन्त र शिखर इन्स्योरेन्सका सीईओ दीपप्रकाश पाण्डे पनि विभूषित भएका छन्।
सेयर लगानीकर्ता अम्बिकाप्रसाद पौडेल, चार्टर्ड एकाउन्टेन्ट नारायण बजाज, पर्यटन ब्यवसायी चिन्तामणि न्यौपाने, निर्माण ब्यवसायी होमनाथ कोइराला, ब्यवसयी देवकिसन मुन्दडा, सौरभ दुगड, कृष्णप्रसाद शर्मा र राधेश्याम हलुवाईसमेत सम्मानित भएका छन्।
यसैगरी जनसेवाश्री पदकबाट आइडिया स्टुडियो, बैंकर दिलप्रसाद भट्ट, कृषि ब्यवसायी अम्बरबहादुर बानियाँ, ब्यवासयी कमलकिशोर मालपानी र राजेन्द्र मल्ल सम्मानित भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779363027.jpg)
-1764146706.png)
